جديد بن فطيس - فرقا شهيد الدين ماهي مريره

جديد بن فطيس - فرقا شهيد الدين ماهي مريره

• اسمع يبو خالد محمد . . من افكار
  شاعر .. جميلك في حياته خشيره
  ..
  مايقدر يرده ولو صار ماصار
  ولا يحاتي دون مدحك مصيره
  ..
  تسلم يبو خالد ذرا الدين والدار
  ياللي كسرت خيول قوم ٍ مغيره
  ..
  نادر حرار ومن ظهر نادر احرار
  صايد فصيله ماتصيد الكسيره
  ..
  وقفت من دون اليمن سر وجهار
  ورديت عدوان اليمن للحضيره
  ..
  وطهّرت برجالك عدن ياذرا الجار
  كلام اهلها والرجال الخبيره
  ..
  وعيال زايد للوطن تدعس النار
  وتاطى القنابل ماتهاب الذخيره
  ..
  واكبر دليل الموت من جيشك امرار
  دليل ماهم فالصفوف الاخيره
• 
  .. لو هم ورا .. ما جاتنا عنهم اخبار
  ولا عرفناهم من اية عشيره
  ..
  ماراحوا اسياحه ولاهم بخطار
  راحوا يردون العلوم السفيره
  ..
  أبنا الحراير والنشاما هل الكار
  من سلعها .. لدبيها .. للفجيره
  ..
  وقفاتك لدينك ولبلادك اكبار
  ولا يجحد المعروف من فيه غيره
  ..
  في صف اخو نوره دوا الوقت لا دار
  اعقاب نجد اللي ينومس مطيره
  ..
  اللي لدينه سل جنحانه و طار
  وتخامرن فالفرس روس ٍ شريره
  ..
  ارسل من عيال الوطن كل مغوار
  احفاد سيدنا عمر والمغيره
  ..
  وفالصف اخو روضه معك ضد الاخطار
  تميم سقم الضد مزبن قطيره
  ..
  وفالصف اخو نجلا الى بار بوار
  عوق الخصيم وستر عذرا قصيره ..
• 
  باسم الخليج اقولها واسم الاخيار
  ناموووس ياشيخ ٍ تروم العسيره
  ..
  تستاهل الناموس في فقد الابرار
  وفرقا شهيد الدين ماهي مريره
  ..
  بيض الصبايا تنعش اجلال واكبار
  ويرزف لك الشعب بسيوف شطيره
  ..
  وترفع لك البيضا ع كل الاقطار
  ( يا راس حربة جيش درع الجزيره)
  
  محمد بن فطيس المري
  
• .

المصدر: الملتقى الجماهيري للشاعر محمد بن فطيس المري