أنـا طالبـش ياضيقـة الصـدر فكينـي

أنـا طالبـش ياضيقـة الصـدر فكينـي

بسم الله الرحمن الرحيم

أنـا النـوم قدلـي ماتهنيـت بـه ليليـن

جفاني منامـي والسهـر مارحـم عينـي

***




علامه هجرني ليه ما امسى مـع الساليـن

ووصى علـى روحـي همـوم" تخاوينـي





***





عزمها على صدري وقالت مكاني زيـن!!


إلى جـف دمعـه جيـت صـدره يدفينـي





***





وقالت حـرام أنـي لا أزود عذابـه ليـن!


يحـس بعـذاب البعـد لا جـا المحبينـي





***





يا ذا الضيقه اللي وسط جوف العنا تكفيـن


أنا ما حصـل فينـي مـن الهـم يكفينـي





***





وإذا قلت أنا باموت ردت ... مهوب الحين؟



أنـا طالبـش ياضيقـة الصـدر فكينـي





***





أنا داري أنش عقـب فرقـاه مـا تدريـن



ويش اللي جرا في حالتـي يـوم جيتينـي





***





لكن مالش إلا طيبـة الخاطـر بترضيـن


ببين لش اللي مـن فراقـه حصـل فينـي





***





عقبها على كيفـش تروحيـن ولا اتجيـن


وإذا ما اقتنعتـي جيـت للحـق بيدينـي





***




يسير علي طيفه من الحيـن ليـن الحيـن


وإلى زارني صـارت دموعـي عناوينـي





***





وتضمى على شوفه عيوني مع انـه بيـن


هدبها وإلـى غمضـت طيفـه يشالينـي





***





تصدق لو أن الدمع لـه حـس ولا ايديـن


طلبني وقـال إلـى متـى وأنـت تبكينـي





***





أنا في رجى وصلـه لعـل وعسـاه يليـن


أنا لي متى والبعد فـي الجـوف يكوينـي





***






ومن قال غيره قلت جعـل النـذر نذريـن


ويفـداه مـن فكـر بزيـنـه بيغريـنـي





***






وعقب ذا الكلام اللي سمعتيه وش تبغيـن


أنـا طالبـش ياضيقـة الصـدر فكينـي







للشاعر :حمد سعيد ال جميلة

المصدر: الملتقى الجماهيري للشاعر محمد بن فطيس المري

الله الله
صحت يمينك أخي عناد
وصح الله لسان الشاعر حمد آل جميله على الروعة
جزلة وكلماتها بسيطه وتلامس الوجدان

لاهنت أخي

الله عليك
صح السآآنه
وصحـت يمينك على النقل المميز
تحيآتي

صــح لـســان الـشــاعــر
وتــســلــمـ ياعناد على
هــذا الأخـتــيــار الرائع

صح لسانك والله يوفقك ولا تقطعنا من هذا الابداع

اقتباس المشاركة الأصلية كتبت بواسطة نويـــــر الله الله صحت يمينك أخي عناد وصح الله لسان الشاعر حمد آل جميله على الروعة جزلة وكلماتها بسيطه وتلامس الوجدان لاهنت أخي

هلا والله
اختي نوير
ومشكووووره على مرووورش الرااائع والمميز

اقتباس المشاركة الأصلية كتبت بواسطة ارقى سنود الله عليك صح السآآنه وصحـت يمينك على النقل المميز تحيآتي

مرحباااابك

لاهنت على المرووور

اقتباس المشاركة الأصلية كتبت بواسطة الماس صــح لـســان الـشــاعــر وتــســلــمـ ياعناد على هــذا الأخـتــيــار الرائع

من قاال يسلم

ولاهنتي على المرووورك العطر

اقتباس المشاركة الأصلية كتبت بواسطة عبدالله السفياني صح لسانك والله يوفقك ولا تقطعنا من هذا الابداع

يا هلا والله


ولاهنت ع المرووور الراائع والمميز

ماشاءالله قصيده راقت لي انا ايضا

تحياتي لك يخووي والله لا يحرمان اختيارك

تقبل مروري بنتظار الجديد