شيلهـ/ ياعبرتن بصدر توذيني

شيلهـ/ ياعبرتن بصدر توذيني

هـ الشيله ........اثرت فيني يابري حالي صدق



على الجرح قسسسسسسسسسسسسسسسم






الله من عبرتن بالصدر توذيني
مسجونةً بين سيف الهم وحرابه
اتعبت انا النفس في طرد المقفيني
ظنيتهم للهدى والرشد طلابه
يانفس خليتي منهم كان توحيني
كلن على ملته يفصل ثيابه
اعلنتها توبتةً بـ كل الميادين
من صحبة اللي عسا الله يبعد ترابه
مالي بخوة ضعيف العقل والديني
لاصار مافيه خير وفوقه زلابه
ولالي بخوة ردي وفوقه دويني
لاصار هاذي طبوعه وش انا ابغابه
ولالي بخوة بخيلً مايواسيني
لامن ضهدني زماني وكشر انيابه
شفي من الناس نسل اللي عربيني
اللي على الطيب بيته يكرب اطنابه
اللي ليا من نخيته يعتزي فيني
ولامن طلبته عطاني لو هي ثيابه
حرً ولد حر في دينه على ديني
اللي على الخير دايم يشعب ركابه
وان مآحصل مانبي تكفين عيني
ويلي على شوفة محمد مع اصحابه
ويلي على بيتً بخضر البساتيني
امن الذهب طوبته والمسك بترابه
يالله انا طالبك تغفر لي الشيني
والزين تقبله وتيسر لي اسبابه
ولامن جمعت البشر ثقل موازيني
ويمن كتابي ليا كلن خذى كتآبه

كلمات / فيصل السواط العتيبي ...
اداء / حمد الزعبي ...

المصدر: الملتقى الجماهيري للشاعر محمد بن فطيس المري

اتعبت انا النفس في طرد المقفيني
ظنيتهم للهدى والرشد طلابه

ااااالله خطييييييييييره ي بري حالي صدق ^.^

صح لسـآن فيـصل وصح صوت المنشـد ,, وسلمتي لمغليش ي بعدي

يالله انا طالبك تغفر لي الشيني
..........والزين تقبله وتيسر لي اسبابه
ولامن جمعت البشر ثقل موازيني
..........ويمن كتابي ليا كلن خذى كتآبه

صح لساان فيصل السوااط ملاييين
وصح ذوووقك غااليتي إإإختياار قمة الذووووق

الله من عبرتن بالصدر توذيني
مسجونةً بين سيف الهم وحرابه


ٍٍٍٍٍٍٍٍ
صح لسان فيصل السووووواط ع الابدااااااع الرائع .. وسلمت يمينك ع الطرع المتميز ... وتقبلي مروري ..

شرفني حظوووووووركم ..

وشرفتووووني ........ ومنورين ..فردا فرد ......

بري حالي ...
تسلمممممي قلبي