الى المتعب

الى المتعب

كل المشاعر تنثني لجل الابيات = والشاهد الله ما بقى فيني عزوم

حبيت اشارك واترك اليوم بصمات = لكن لقيت القوم ما تعرف القوم

كم لي وانا اربط في طرفكم علاقات = لكن ضفى من فوق زفراتي اللوم

نصين راحت والبقيه لما جات = كني بكوم غبارها صار مركوم

تقفي وتقبل بين نظرات الاموات = يوم الهوا في جوف الاعماق مرحوم

واليوم للمتعب تعنيت بالذات = راعي المقام اللي له علوم وختوم

ابغى مرورك وان ظهر شي هفوات = لا تستحي وانا من اليوم محكوم

تقفي عباراتي وتاتي عبارات = والحزن في وجه الشقا دوم مرسوم

وسلامتكم

المصدر: الملتقى الجماهيري للشاعر محمد بن فطيس المري

الله الله صح لسانك ماشاء الله عليك

بس عندك شطرين
راعي المقام اللي له علوم وختوم
و
تقفي عباراتي وتاتي عبارات

تاكد منهم ,,,,,, القصيده اعجبتني كلماتها وقوتها


تقبل مروري يالقرم ,,,,,

ماشاء الله عليك صح لسانك اخوي
كلمات شاعر مبدع الله يحفظك يارب

صح لسانك وعلا شانك

اسحب نقدي لخلوا الابيات من اي نقد

اخوي راعي النقا اتمنى تنزيل جديدك باستمرار ولاتحرمنا منه

ابيات شاعريه وقويه ومحكمه

تحياتي لك

مشكلة المنتدى لايقبل التعديل على الردود بدل من وضع رد جديد

اخوي راعي النقي بانتقادى الاول كنت اقصد بان الشطر

راعي المقام اللي له علوم وختوم

اعتقد تقصد به

راع المقام اللي له علوم وختوم

لو قلنا راعي انكسر البيت


بس متاكد بان الخطا مطبعي


تحياتي لك

راعي النقى صح السانك ابيات جزله من راس جزل ومافيها عذاريب انت شاعر بلاشك ياراعي النقى وسجل اعجابي ومتابعتي لجديدك