آسج رجلي يمّ بيته وآناجيه ..

آسج رجلي يمّ بيته وآناجيه ..

ياسعود لاتنشد عن الحال وشفيه=عمري براه الهـم بـأول شبابـه
همن بجوف الصدر ياسعود مخفيه=وغيرك ترى ياسعود محدن درابه
آشكي عليك الحال واللي بدا فيـه=الحزن في قلبـي منـوّخ ركابـه
حتيش لو حزني عن الناس كانيه=لابـد ماتظهـر علـيَ الكـآبـه
بالليل اسلي خآطري من بلاويـه=لكنْ ماسـرع فرحتـه وآنقلابـه
هذي ثلاث ايـام والعيـن تبكيـه=وش عاد لو الزين طـول غيابـه
ان جيت اكفّ الدمع زادت مجاريه=وزوّد على نفس المولـع عذابـه
أن مرني طيفه أضمـه وأداريـه=ماغير أضم الريح والريح جابـه
أفرح ليامن حل ذكـره وطاريـه=وأعيش في فرحة خفوق اهتنابـه
أسج رجلي يـمّ بيتـه وأناجيـه=وبيني وبينه مابقى غيـر بابـه
يردني عنّـه سلـوم ومشاريـه=ياحيّ ذاك البيـت والـي ربابـه
اي والله أني عاشقه حيل وأغليه=والله يستر كـان هجـري نوابـه
وياسعود كانك تنشد الحال وشفيه=اسأل عيوني كان تبغى الأجابـه

الشاعربدر الروقي

المصدر: الملتقى الجماهيري للشاعر محمد بن فطيس المري

صح لساااااااااااانه بدر
وتسلمي قلبي
رووووووووعه اختيارك
وذوووقك راااااااااااااقي
الله يحفظك يارب

ابدعتي

وصح لسان بدر

للأمانة نص جميل جدآ

كلك ذوق اختيار جميل

ثابري وسيري الى الامام

انا متابع لكل ماتطرحين

قصيدهـ مميزهـ
يعطيك العافية ع الانتقاء الرااائع
لاعدمنا جديدكـ

صح لسان الشاعر

وصح ذوقك واختيارك

الذي يدل على معرفه بالشعر لايستهان بها

شكري وتقديري لكي

مآ شآء الله تبآرك الله...
آختيار موفق .. وذائقة شعرية غير مستغربة...

بصـرآآحه إنتقــآءش يرووووق لي حيييل
عســآش سالمممه ي امي

صح لسان الروقي وسلمت يمينــش

تحيتي

آسعدني توآجدكم الرآقي
جزيل شكري ومتنآني لكم

يــــردنــــي عــــنّــــه ســــلــــوم ومـــشـــاريـــه
يـــاحـــيّ ذاك الــبــيــت والـــــــي ربـــابــــه
الله الله الله
ابدعتي
صح لساااااان بدر
تحيااااااااااااتي