صوت وصدا

صوت وصدا

هنا كان الصوت من الشاعر ناصر الشريف

يا حسن سالم تحيه لك تعد وما تعد=ما حدٍ يحصي عددها يالشلي يا ابن الشلي
لنك من اللي يمد الطاله بيمناه مد=ما لقينا لك نظير وما لقينا لك حلي
صيتك ان وقف على موضوع في نابيه سد=كيف لا من بان زولك تنجلي الضيقه جلي
دام قلبي في خلايا الروح والعرق اتحد=با الفظ ابياتي علاشانك ولا والله علي
يا حسن قل للمعاني ناصر بحاضيه هد=وان نزل جاب السمان النادرات النجلي
هاجسي لا جيت ابا ارخي القول يا عربان شد=لين يرُدني على حوض الجمال ويهملي
اجتهد راسي وتعبيري ولي عزم اجتهد=واقبل بسحر البيان وليس وحيٍ منزلي
قلتها وانا معرب من خوال وصلب جد=والشهامه من سطر راسي تفيض وتمتلي
هاجسي لا بان لازم راعي النالات فد=وان مدحت امدح عزيز الجاه لا تمدح خلي
خالي الرجله وخالي الصيت ماهو لك عمد=ويش تبغى به ونيران المعارك تصطلي
جاك تعبيري واذا جاني على ما قلت رد=يعتلي راسي ويتعدا النجوم الزحلي

وكان الصدا الرائع من الشاعر العملاق والفذ

حسن سالم ال خريم الوايلي

مرحبا يا ناصر بن حسين ما حن الرعد=في حشى دهم السحاب اللي تحت حكم الولِي
يا الشلي يا الحر يا الشغموم يا شبل الأسد=يا عزيز الجنب نسل اللي نسبها معتلِي
مرة" أشبهك بسهيل ثم تطلع سعد=نجم في كبد السماء لو طال عمره ما بلِي
يا هجوسي قربي لي من رحم فكري ولد=قُوْتَه.. المعنى و حرفه بالذهب مطلي طلِي
و الله إنك يا الشريف حزام و ربوعك سند=جعل يفداك الهلامه و الردي و الدوبلِي
أنت موطن لـ .. المرآجل و أنت لـ ..الناله بلد=و أنت مياح" ضهد بير المعاني بالدلِي
بـ .أمدحك و آنا أدري إن المدح في مثلك شهد=و الخوي صورة خويه قسمة" مثل الكلِي
سُقت في مدحك ركاب الصدق في ..دَوْ.. الكَبَد=و أَورِدَت بحيامها و أرويتها من منهلِي
شاعر" و أنقش حروفي بـ ..المعاني في جلد=و أمنح لـ .خصمي قَنَا يزرع بـ ..صدره و يغلِي
هذا و لي ضربة يمين" وقعها مثل الكنَد=وارث" شلفا الكرامه فوق ساس" وايلِي
جاك ردي و أنت في روس المعالي لـ ..الأبد=و أفتخر في خوتك و أسوق لرضاك إجملِي

المصدر: الملتقى الجماهيري للشاعر محمد بن فطيس المري

صح لسانك

صوت وصدى من اجمل مايكون

صوت وصدى رآئع،،
تسلم ويسلم الوايلي،،

وننتظر جديدكم ،، بلا شك،،