مــــطـــرآش الــــحـــب

مــــطـــرآش الــــحـــب

السلام عليكم ورحمة الله وبركاتة

هاذي ابيات متواضعه حبيت انزلها لكم

واتمنى ان تنال على اعجابكم

الله كتب لي مع هل الحب مطراش
مطراش(ن) اشقاني و زوّد همومي

مطراش تاليته هواجيس... وغراش
قروة مطوع من صواب(ن) يدومي

القلب مابه قلب والعقل منداش
وكثر الطواري فوق راسي تحومي

ولمن غفيت احس فالخافق خراش
بالذات لاشفته بوسط الحلومي

ولا الحقيقه وضعنا دايم(ن) ماش
تردّنا العــادات ويّــــا السلومي

وآخر كلامه قال .. خذها ترا كاش
درب المفارق بسلكه دون لومي

واقفى وانا قفيّت والدمع منطاش
وتهاوت الهقوات مثل النجومي

عقبه همومي دايم(ن) في تبوّاش
يدبل عددها بين يوم(ن) ويومي

عسى السبب يبلاه ربي بمبلاش
ويموت في دار(ن) بعيد الرسومي

لاعاد من درب(ن) ولاعاد مطراش
ذقت العنى منّه وكثر الهمومي

وسلامتكم

المصدر: الملتقى الجماهيري للشاعر محمد بن فطيس المري

صح لسانك يا ظافر ابيات جميلة
تقبل مروري مع احترامي

صح الله لسانك يالعرجاني

ولا هنت

صح الله ابدانكم
وبيض الله وجيهكم على المرور اللي شرفني

ولاهنتوا على كل حال