قصيد نصح

قصيد نصح

إضحك وفـلّ حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..

مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..

لـو كانـوا اصحابـك يضـاهـون ملـيـون
.........نــق الكـفـو منـهـم وخــل السطيـحـه..

ولا تشتـكـي للـنـاس لوكـنـت مطـعـون
.........(والـذم مـن بـعـض الخـلايـق مديـحـه)..

ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..

لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..

وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..

والكـبـر لــو بــه فـايـده فــاد فـرعــون
.........ومــن ذاع ســرّه بـشّـره بالفضـيـحـه..

والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..

انفـض همـوم القلـب وابليـس ملـعـون
.........وان ضاق صدرك ارض ربي فسيحه

المصدر: الملتقى الجماهيري للشاعر محمد بن فطيس المري

هذي قصيده باسم الشاعر محمد بن فطيس واذا في تعديل اوخطاء اتمناء التعديل وشكرا

يعطيك العافية اخوي /رحيمة وكفيت ووفيت
وبسراحة مادري كل ماقريت قصيدة لشاعر محمد بن فطيس اقول هذي اجمل قصيدة
مشاء الله علية والله يعطية العافية وتقبال تحياتي/ ابداع الكلام

ولا تشتـكـي للـنـاس لوكـنـت مطـعـون
.........(والـذم مـن بـعـض الخـلايـق مديـحـه)..

ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..

لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..

وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..

الله علــــيه ..

صح لسآآنه شآآآعرنا

وسلمت اناملكـ يا رحيمه على هالنـقل ..

اهنيكي على هذآ الذوٍِوٍِق الرآقـيْ يآلغآليـه ..

لآ خلآ ولا عدم ..

دمتِ بحفظ الرحمن ..

رحيمه

الله يعافيك على الطرح الجميل


وصح الله الساان محمد بن فطيس


دمتي بكل خير وود

انفـض همـوم القلـب وابليـس ملـعـون
.........وان ضاق صدرك ارض ربي فسيحه

اللهـ عليك يابو حمد ابدااااااااااع وربي

عوافي رحيمهـ

الله الله , صح الله ألسان أبو حمد
و أشهد بـ الله إنها أفضل قصايده .

لاهنت ِ ..

قصيد جزل من شاعر متميز

لا هنتي يا رحيمه

9aa7 elsaaan el shaa3r
o ma ga9artooo

ايه والله انك صدقت باللي كتبته .... قصيده روعه .... صح لسان شاعرنا ... والله يوفقه

لاهنت ع كتابت القصيده ... واصل ابداعك ... تقبل مروري