إلى متى فلم العشم أعاود أخراجه

إلى متى فلم العشم أعاود أخراجه

السلام عليكم ورحمة الله وبركاته
مسائكم وصباحكم شعر
متواضعة أتمنى لها القبول والرضا
قابلة للنقد بكل رحابيةصدر

الحلم ما يبني ورى الضلع العوج عاجه
لا صارت الحيلة بظرف أبعاد نفسية
ولا صرت مرهي للقا من دافع الحاجة
والنفس تمنعها وعينك من ورى النية
للرغبة إللي عوّدة قلبي على أحراجه
ليته قنع وارضى الضمير وتاب عن حيه
قبل أتولجه الهموم وتسكن أبراجه
وتفضا مجالس ضحكته وتموت قمرية
وسجاد صدره والتحف وأطراف ديباجه
تبكي على أستبرق وسندس روح ورديه
يا أندلس عمري وقصر العاج يا تاجه
يا صومعة حبي يا قبلة شوق روحيه
ليه الجفا دربك ورجلي فيه دواجه
وليه البكا نصف القريحة من قوافيه
وليه الزعل باب ٍ وصدك فيه مزلاجه
وليه الشقا خلا أمنياتي فيك منسيه
تعال واقرا نبض قلبي واسمع أخلاجه
الصدر يطحنه الوله والشوق شبريه
والدمع كنه جمرة ٍ والحسرة الصاجه
وكبدي يقلبها الصبر والنار مصليه
إلى متى فلم العشم أعاود أخراجه
وإلى متى دورك بنفس الإعتياديه
تغيب ما تدري وش إللي منك بواجه
يعني تعرضني لصدمة حزن قهرية
وليلٍ يطوفه هاجس ٍ من كثرة أفواجه
فوج ٍ يحسسه الندم وافواج قمعية
وترجع تلاقيني بقلب ٍ طالق أحجاجه
ما سره إلا رجعتك والصمت ماريه
والله ما تدرك مدى صمته من إلهاجه
لكن عزاه إنه دعا الذات الإلهية
أحيان يغشاه السهر ويطلسم أسهاجه
ولا ينام إلا برقية شيخ قدسية
هذا أنا في غيبتك والشوق ما ماجه
كثر التغلي والعتب من باب عفويه
وهذا أنت في عيني بحر وأحاول أمواجه
وأنا سفينة حب والشاطي أمانيه
ولا قول لعوزني الزمان وحدني حاجة
لكنها الحيلة حداها ضعف نفسيه
مدري العمر متى لك الله ينطفي أسراجه
طالبك لا تبطي تراني في حرى جيه
الحلم قصرٍ منبني يحتاج له تاجه
وأشوفك التاج وأحلامي ملاكيه

أخوكم عامر الشنيف

المصدر: الملتقى الجماهيري للشاعر محمد بن فطيس المري

صبحك بالخير اخوي عامر ..

انا فخور كوني اول من يصافح هالمزيونه ..

صح الله لسانك ولاهنت يالقرم شاعر جميل ونتوق لطرحه

وشاعر فرض احترامه ومكانته في فتره قصيره

أحييك على هذا الحضور وعلى هذا الجمال

ولا خليت منك يالغالي

أخوك
أبو مشاري

صح لسآآنك مليوون
وبيض الله وجهك
دمت بــ خير وسعآآدهـ ..؛

اقتباس المشاركة الأصلية كتبت بواسطة أبو مشاري صبحك بالخير اخوي عامر .. انا فخور كوني اول من يصافح هالمزيونه .. صح الله لسانك ولاهنت يالقرم شاعر جميل ونتوق لطرحه وشاعر فرض احترامه ومكانته في فتره قصيره أحييك على هذا الحضور وعلى هذا الجمال ولا خليت منك يالغالي أخوك أبو مشاري

حييت يا بو مشاري
كونك الأول هذا الشرف والله ولا عدمتك يا الغالي
وصح بدنك وهذا من طيب أصلك
لك التقدير والإحترام

اقتباس المشاركة الأصلية كتبت بواسطة بنت الروقه صح لسآآنك مليوون وبيض الله وجهك دمت بــ خير وسعآآدهـ ..؛

صح بدنك عدد ما قلتِ واكثر
ولا هنت ِ على مرورك يا الغالية

صح لسسسانك ياعامر شاعر مميز للامانه
تقبل مروري وتحياتي لشخصك

اقتباس المشاركة الأصلية كتبت بواسطة هوى الغربي صح لسسسانك ياعامر شاعر مميز للامانه تقبل مروري وتحياتي لشخصك

هوى الغربي
صح بدنك والله يحيك ولا هنت
من كل قلبي أشكرك يالغالي

صح لسانكـ اخــؤؤي
لا هنت

لك احترامي ,,

اقتباس المشاركة الأصلية كتبت بواسطة فراشة صح لسانكـ اخــؤؤي لا هنت لك احترامي ,,

صح بدنك اختِ فراشة ولا هنتِ على مرورك العطر

وعليكم السلام ورحمة الله وبركاته ,,

حيااااك الله ياعامر الشنيف ,,

درر وشرد نوادر صغتها بأتقان وبقمة ابداع ماشاء الله عليك صح الله لسانك وصح كلك ولاهنت يامبدع ,,

خالص تحياتي لك وتقديري ووافر احترامي .