ديـوآآن :: عامر بن حمد بن نوطان ال جابر المري

ديـوآآن :: عامر بن حمد بن نوطان ال جابر المري

بسم الله الرحمن الرحيم


السلام عليكم ورحمه الله وبركاته



في هذا الديوان اقدم لكم من تراث الشعر النبطي ..


قصائد الشاعـر / عامر بن نوطان ال مري





تعريف الشاعر


هو عامر بن حمد بن نوطان ال جابر المري, وهو ابن العقيد والفارس المعروف حمد بن نوطان احد فرسان قبيله ال مره


ولد الشاعر عام ( 1935 م ) الموافق ( 1355 هـ ) في واحه يبرين في المملكه العربيه السعوديه ,
والتي تبعد عن الاحساء حوالي ( 260 كم ) جنوبا وهي تابعه لمحافظه الاحساء.






حـيـاتـه


نشأ وعاش بدايه حياته في يبرين حيث توفي والده وهو ابن الثانيه عشر من العمر وكانت من اولى قصائده الرثاء التي رثى بها ابيه حـيـث قـال :


يــاونتي ونـه عميق الطعوني .. في ملتقى الزلبات خلوه قومه


عليك يابوي اللطيف الحنوني .. اللي لنا نفسه رؤوف رحـومـه




فقد كانت ظروفه الصعبه التي مر بها في هذا السن المبكر كفيله بأن تجعله يلتحق بمدرسه الحياه مبكراً , ويصارع في معتركها ليعيل عائلته في تلك السنوات العجاف , فأخوه الاكبر ( علي ) نأت به ظروفه مماثله بحثا عن لقمه العيش , والاصغر منه ( محمد ) الملقب بالشمالي كان صغيراً جداً على ان يعتمد على نفسه .
وبعد عده سنوات قضاها الشاعر في المملكه العربيه السعوديه انتقل
للعيش في الكويت التي استقر بها , حيث عمل موظفاً في وزاره الأشغال وتقاعد بعد ان خدم عده سنوات في القطاع الحكومي , ليعود بعد ذالك الي المملكه العربيه السعوديه حيث هوايته وبهجه
فؤاده , الا وهي الابل .


كان الشاعر من شديدي الحب الإبل , وممن يؤمن إيماناً صادقاً بأنها إحدى معجزات الله في ارضه , حيث كان يفضل مجاراتها في البراري على الراحله في قصور المدن , وكان أكثر مايؤسفه عليها
اختلاف عصرها الحاضر عن الماضي وسوء الحال الذي آلت اليه والظروف التي المت بها .


انتقل عامر بن نوطان الى رحمه الله في منطقه الاحساء بالممملكه العربيه السعوديه عام ( 1998م ) الموافق ( 1418ه )
تاركاً خلفه موروثاً ادبياً يصعب على من بعده جمعه وحصره في كتاب واحد .




القصائد الوطنيه




.. الـوالـد الـبـار ..؛



ابيات في المرحوم / الشيخ جابر الاحمد الجابر الصباح





...

يامرحبا ياللي عبر كل الابحار .. ضحى بروحه للكويت ولا هلها

متابعينه بالجرايد والاخبار .. ونشاهده في كل دارٍ نزلها

ياحاكم حكمه على الشعب ماجار .. نفسه على شعبه بعيد زعلها

شيخ حنون كنه الوالد البار .. الدار واهل الدار يرفا خملها

لولا حماه الدار ماعاشت الدار .. ولا تعلت بالمباني فللها

سدي راي ان كان ضاعن الافكار .. نفسه عسى ربي يطول مهلها




* رفــع الأعـلامي *




ابيات قالها الشاعر في موقف فاضت فيه مشاعر ه بحب الوطن , وذلك عندما ترفع أعلام الكويت خفاقه في السماء

مرتديه اجمل حليها في عيدها الوطني :







عيني بكت يوم شافت رفع الأعلامي .. ما ألوم عيني الإهلت عبايرها

ياكويت يا أم الضعيف ويا أم الأيتامي .. غثتي شعوب مكمله ذخايرها

يا اعز عيد ويا أسعد كل الأيام .. رفرف علمها على عالي منايرها

اللي حموها قبل ميات الاعوامي .. حنا على نهجها نتبع جرايرها

حامينها عادهم مشي بالأقدامي .. بياعه النفس ماتحسب خسايرها





× فــهــد الفــهــود ×


قصيده موجهه الي المرحوم / خادم الحرمين الشريفين الملك فهد بن عبدالعزيز ال سعود رحمه الله

بمناسبه التحرير اعترافاً بجهود جلالته في دور الواضح وموقفه الثابت في تحرير دوله الكويت .

اليوم شفنا العز يرفع شراعه .. شعب الكويت الى وطنهم يعودون
يامن تصرفتوا بعزم وشجاعه .. ومخاطبين بالعقل كل مجنون
فهد الفهود الي بدا بالرفاعه .. معه الامور الكايده جات بلهون
سقى عدوه من يد السم ساعه .. بفعولكم كل العذارى يمارون
لميت شمل قد تحقق ضياعه .. وخليتهم عقب الفزع يرجهنون
واشبعتهم عقب الضما والمجاعه .. واستانسو من عقب ماكان يبكون
عندك من النصر المحتف قناعه .. خليت حزب البعث في الليل يسرون
عليه كل البر ضاق اتساعه .. خلا جيوشه بالصحاري يموتون
ياجار ياجار الغدر والدناعه .. ياجار منت بعلى الجارمأمون
ذبحت ورعان بسن الرضاعه .. ماخفت يالخوان من خالق الكون
لبست ثوب الذل عقب الشجاعه .. غصب عليك اتعيش بالذل والهون
مستسلم ماعاد عندك مناعه .. ارجع على من وهقك واطلب العون
تبغي الفراعة مير مامن فراعه .. إلين حتى تصغرون وتذلون
اليوم لا رحمه ولا من شجاعه .. عملكم السابق به اليوم تجزون
الخاين اللي سايقته القلاعه .. والله ان يموت وهو على الكبد مطعون




:.. اهل اليدين الطويله ..:


قصيده بمناسبه تحرير دوله الكويت




بريت كبود أهل القلوب الغليله .. والنوم طاب لكل من كان سهران

عليك ياصدام راحت سحيله .. غصب عليك اليوم تهزم وتنهان

صادوك عطبين الضرايب فصيله .. لا عادلك ريشٍ ولا عاد جنحان

ذقت انت فعل اهل اليدين الطويله .. خياله العوجا سلايل كحيلان

اجعل على وجهك عباةٍ وشيله .. احسن لك انك لا بسٍ ثوب نسوان

عليك لعنه كل يومٍ وليله .. يالخاين اللي مافعل فعلك انسان

لا لك بني عمٍ ولا لك قبيله .. مدحور مذلولٍ مع كل شيطان

رجعت بالخيبه ونفسك ذليله .. وموازرك في موقفك كل خوان

لبست يالغدار ثوب الرذيله .. باسم الشجاعه تدعى وانت جابان




الرثاء







قصيدة رثاء في المرحوم ضيدان بن ملهي بن قضعان :


يا قصر وين اللي بك العام سكان
ليت الليالي اللي غدت به تعيده
أشوف فيك اليوم من كل الألوان
أزوال واجد غير ما هي مفيده
متنوعين من عزوب وصبيان
ما حد يهمه غير مليه بديده
أقفيت ودموعي على الخد ودان
متكدر ما هي بفرصه سعيده
مرحوم ياللي ما نشا مثله إنسان
صاحب كرم وأخلاق واريا سديده
ياليت غالي الروح يشري بالأثمان
نسوق ما يطلب عليه ونزيده
والله لو سموا ثلاثين ضيدان
ما عاد يأتي مثل ذاك الوليده
ليت النساء ما عاد تأتي بورعان
الا حد شرواه والا نديده
عزي لكم عزاه يا نسل قضعان
عز الله إنه راح منكم فقيده
رجل الشهامه والمروه والاحسان
رجل حوى كل الصفات الحميده
حاوي صفات المرجله فعل ولسان
حسين خيق ما يمله قعيده
سنافي ماصك له باب ديوان
ما حوشت يمناه مدت به إيده
من مات عقبه صار بي عنه نسيان
وضيدان لازالت جروحه جديده
اللي له الطولات والمجد عنوان
ريف لربعه بالسنين الشديده
عليه يبكي تالي الليل ضيفان
متكلفين من ديار بعيده
ويبكيه محتاج عليه الدهر شان
وازي عليه من الحياة الزهيده
ياللي تعلرفون المثايل والألحان
كل بضيدان يسوي قصيده
نادر حرار من قرانيس حوران
لا رف بالجنحان ما له شريده
لا خير في قول على غير برهان
عندي على ذلك شهود عديده
عساه يبني له محل وبستان
في جنة الفردوس روحه شهيده




قصيده يرثي بها عامر بن نوطان والده , علماً بأن هذه القصيده من اول قصائده التي قالها في بدياته


حل المفارق وافتخات الضعوني
واعز من نغلي فقدنا علومه

يا ونتي ونة عميق الطعوني
في ملتقى الزلبات خلوه قومه

عليك يا بوي اللطيف الحنوني
اللي لنا نفسه رؤوف رحومه

يا ليتهم في قبر أبوي ادفنوني
بالموت يومي سابق قبل يومه

ما حخسب الأيام السعيدة تخوني
وأثر السنلن أفراحها ما تدومه

عيت بعد فرقاه تدله عيوني
وعقبه على الوقت بانت ثلومه

ضاقت بي الدنيا وكثرت شطوني
وقلبي عن الفرحة تردت عزومه

لو البكا يرجع بمن يرحلوني
بكيت لين العين تبرى الحتومه

لا شفت الأطفال الصغار احزنوني
متخشنين عقب ذيك النعومه

من أول بافراحهم يمرحوني
والوقت كاه ما دروا عن همومه

لمقابله ومشاهده يرتجوني
لو غتب عنهم ناظرين قدومه

واليوم كنهم يابسات الغصوني
اللي عليها الصيف هبت سمومه

لاجيت بجحد دمعتي ذكروني
أيتام من ضيم الزمان مهضومه

ما فيه ساعه عنه ما يسألوني
ومتحفظين في بقايا هدومه

حتى بنوم الليل ما يرقدوني
ولا شوف منهم من تهنا بنومه

لا واشقا نفسي والا واغبوني
الله يجازي الموت والله يلومه

يا الله يا منشي سحاب المزوني
فرج على عبد سماه مغيومه




أبو زيد لو طال المدى




رثاء في المرحوم الأمير محمد بن أحمد السديري






وفي ابنه الأمير زيد المحمد السديري :





مرحوم يا أغلى فقيد فقدناه




خسارته عمت على نجد كله




عز الله انه لاعني حر فرقاخ




وعيني بعد فقده بكت مستخله




يالله عسى الجنة مقره وملقاه




عسى مواقفه الحميده ذري له




يا عل حوريات طوبه تلقاه




وجعل الحنان البارده مسكن له




نطلب إله العرش عفوه وتقواه




يغفر له اللي غافر كل زله




كل الصفات الطيبه من سجاياه




تشهد له العالم وأنا شاهد له




أبو زيد لو طال المدى له ما نسيناه




عشنا بحسناته وعشنا بظله




ما فيه رجال يسوي سواياه




ولا فيه مثله جابوا البيض لله




محمد الأحمد إلا حل طرياه




أفز له وأعتز حشمة له




لو غاب ما غابت عن النفس ذكراه




وأنا على طول الدهر مخلص له




وخلف فهود جات مثله وشرواه




مثل الجبال النايفات المظله




خلف لنا زيد ومشي مثل ممشاه




راح أبو زيد وصار زيد محله




سماه زيد وزاد باسمه ومعناه




إسم على معنى الرجوله يدله




حريدي بالكسب من فعل يمناه




ما عاش بالهونه ولا بالمذله




أوصاه أبوه ولا تناسى وصاياه




جعل دروب المرجله منهج له



زيد إلا عدوا هل الفضل والجاه



هو الحكيم وهو دوى كل عله


فيه الصفات الطيبه لاعدمناه


ما ينهضم من كان هو مسند له


أطلب من المولى يحفظه ويرعاه


زين الجناب مشاهده ما تمله


من مسته دورات بقعا تنصاه


وخفف عليه الهم والحمل شله


يا حظ من صرتوا ربوعه بدنياه


ما ينهضم من شافكم فزعة له





" خساره الفيصل علينا كبييره "

قصيده رثاء في المغفور له جلال الملكـ فيصل بن عبدالعزيز ال سعود :

الله من كبدٍ علينا سعيره .. وعينٍ زعوجٍ كن فيها ضواريب
اعنف خبر هز البحر والجزيره .. وصرنا بليلٍ من قبل شمسه تغيب
علمٍ جعل بالكون كله كسيره .. كلٍ يصيح من القهر يشلع الجيب
الناس صارت في ذهولٍ وحيره .. كل البشر في يوم هولٍ وتعذيب
بكا كبير البيت وابكا صغيره .. وصاح الشباب وصاحوا اللي بهم شيب
تنكست الاعلام في كل ديره .. مابه بلادٍ مالفاله مناديب
خسارة الفيصل علينا كبيره .. وحزنت مع حزن العرب شمَخ النيب
اللي على شعبه ضفا كل خيره .. علييه شقوا يالعذاري الاساليب
طول الدهر يا أهلا البيوت الفقيره .. ابكو على فيصل ولا في عيب
كل يعبر مايكنه ضميره .. وأنا عليه اقنب كما يقنب الذيب
تكفا يا بو خالد فقدنا البصيره .. ننخاك كود تسمع الصوت وتجيب
خليتنا في هالظروف الخطيره .. بين السباع اللي علينا مراقيب
رحلت عنا والمشاكل كثيره .. وسود اليالي مادري ويش بتجيب
ياظلنا من حر شمس الظهيره .. وانت الذخر عن حر لفح اللواهيب
حكم الزعامه سرت به خير سيره .. صنت العهد وأكملت كل المواجيب
عدلت ماخليت فينا قصيره .. ولك المباحه يامهدي الاصاعيب
اللي جميع الشعب كله خشيره .. في سلطته مافيه خوفٍ وترهيب
فضايله للناس خير وبريره .. وخلا الفقير بمنزله عيشه يطيب
في جيره اللي مايخون بجويره .. يالصادق الوافي قليل العذاريب
الله عسى جنات طوبا مصيره .. يوم الحساب ويوم نشر المكاتيب




:: عـدلـت يـا فـيـصـل ::


وأيضاً في المغفور له جلالة الملكـ فيصل بن عبدالعزيز آل سعود :

عدلت يافيصل وللشعب مونت .. وخليتهم في فايض الرزق يسعدون
أمنت شعب المملكه ما تماهنت .. والشعب لك ياصاحب الفضل مديون
أنا اشهد انك للحكم والعهد صنت .. وتبعت ممشى اللي على العدل يمشون
ذروه سنام المجد فيها تمكنت .. وساعدت شعبٍ يرتجي منك العون
لأطيب صفاتٍ الرجولة تضمنت .. وزهدت في دنياك ماصرت مفتون
عندك صفاتٍ ماتحلا بها إلا أنت .. ليت الحريم لمثل فيصل يجيبون
ياافضل زعيمٍ للزعامة تعينت .. ياكامل الشارات والعرض مصيون
صغار ماتفطن وفيها تفطـنت .. وكبار ماتقدر ولك جات بالهون
خليت كل الشعب يبكي عليك انت .. باسمك على طول الليالي ينادون
يبكي عليك العود والصبي والبنت .. وأنا بكيت وغيري الناس يبكون
أرفع كفوفي للسما وين ماكنت .. وأطلب لك مصلين الاشراق يدعون






قـــصـــائــد الغــزل






--------------------------------------------------------------------------------



؛.. أنا يـوم شفـت البيت ..؛


أنا ما هقيت يسوى الوقت ما سواه ** وخان الزمان وعادة الوقت خوانى

ويا حي من هذي دياره وذا مرباه ** ذوارى هبوب النود من فوقها بانى

أنا يوم شفت البيت متهدم مبناه ** تذكرت زول كان في البيت سكانى

أنادى عليه وساقي العين جارى ماه ** وأنا عارف إنى لو تحريت ما جانى

ظلمنى الزمان الى جبرنى على فرقاه ** صواديف بقعا شرها ما تعدانى

صدوف الزمان وطول صبر لحقت أقصاه ** حدتنى على مبدا الطويله مسيانى

أنا قد بغيت اوقف الرجل عن مبداه ** ولكن شفت الموت مازيد خلانى

الى جيت عد ٍقد نزل ماه ولا جاه ** تسابق دموعي واظهرت خافي احزانى

أنا كيف أبدله واطمع في خاطرى أنساه ** وأنا كل ما مريت مدهاله ابكانى

الا جات به الاخبار والا احدٍ اطراه ** ما عاد اتسمع صوت من زيد حاكانى

أعيش بخياله واتنادم مع ذكراه ** ويدوى بي الهوجاس في عالم ثانى

يغيم سماى الا تواجهت انا وياه ** وحتى الحكي ماعاد ينطق به لساااانى

قضى العمر كله عادنى في رجا لاماه ** وطال الرجا والياس قام يتحدانى

هو الى تتوق النفس لمشاهده وحكاه **ولا جا بقلبى عنه سجة ونسيانى




:.. تغلاق الأشفاقي ..:



إلا اقفي النهار وقبـل الليـل مـا دانيـه
معي ضيق صدر من تغـلاق الأشفاقـي

سقى الله ضحى ذا اليوم والعصر لا تسقيه
نهـار اجتمـاع حـل فيـه التفـراقـي

نهارسعيـد أولــه واقـشـر تالـيـه
توادعت أنا واللي لـه القلـب مشتاقـي

ويا قو عزمي يـوم قفـا وأنـا راعيـه
اجامل وأنـا لدمـوع عينـي تسيباقـي

نظرني بعين تخلف اللـي تطالـع فيـه
كما عين حر لابـرق الريـش لحاقـي

أنا خاطـري فـي خوتـه ودي أخاويـه
وروحي معه تنسـاق مـن دون سواقـي

ويا عاذلي لا تمحـن القلـب وتقاصيـه
تحاكيـه وجروحـه مراميـس وعتاقـي

لو انه يخلـي الحـب مـن وده يخليـه
تشوف المودة مـا بهـا واحـد شاقـي

إلا جيت بخفي لوعة الحزن مـا تخفيـه
عيون عبايرهـا علـى خـدي أطلاقـي

جبرني زمانـي وانتـزح واحـد اغليـه
وقلبي على شـوف المحبيـن محراقـي

أحبه وأحب اللي يجيبـون لـي طاريـه
ولـه مخلـص مانيـب للعهـد بواقـي

خذ الروح كله ما بقى لـه شريـك فيـه
وجعله فـدا لـه ماخـذه منـه والباقـي

عذابي من اللي يجرح القلـب ويداويـه
وهو راس مالي في البراري والاسواقـي

غدا كل همي في خيالـه وفـي طاريـه
وخليـت دورات المعيشـة والارزاقـي

تعايد على مواجهـه ويـن زيـد أجيـه
وقف منه وصلي وقفة الماء من الساقـي




(( بــــــس ياعينـــــي ))




ونتي منـا الـى مالـه نهايـه = من جروحٍ في ضميري مستكنـه

بس ياعيني من الدمعـه كفايـه = المفـارق واقـعٍ لابـد مـنـه

ماحسبت حساب روحي في البدايه =عادني طربٍ وروحي مرجهنـه

مبطيٍ والحزن والينـي ولايـه= صادرٍ حكمه علي من غير سنـه

كيف يعدم واحـدٍ مالـه جنايـه = ياهل المعروف شيلوا الظلم عنـه



(( الديـــــار الجنوبيــــــــه ))




تعودت مبدا الرجـم صبـحٍ وعصريـه = وعيني من الدمعه خـذت حقهـا وافـي

الا جيت بخفي الحـزن بانـت مواريـه = ودمعة عيوني بينـت حزنـي الخافـي

اجامل مـع الخـلان جـوزا معذريـه = وكل الجـروح اكنهـا بيـن الاجنافـي

وكنـي مريـضٍ مايبـيـن مشاكـيـه = يجامل مـع الـزوار ويقـول متعافـي

مريضٍ مرض قلـبٍ وعينـي شقاويـه = ومبطي وانا مـن لـذة النـوم متجافـي

وقلبـي حنـونٍ للـديـار الجنوبـيـه = وطول البطا ماغيرت حبهـا الصافـي

ومبداي فـي عـرقٍ تعنكـب ذواريـه = هو احب من قصرٍ بني قرب الاسيافـي

هل الجوب ذكروا ربعوا في ضواحيـه = وقالوا غواميس النخـل عشبهـا زافـي

وحلـوا هـل الذيـدان عنـد الرماديـه = وخذوا في جناب الغرس مشتى ومصيافي





(( الحـــــزن يوجــــــع ))




الحزن يوجع مفاخت الجنيني = والحزين اللي جروحه مستكنـه

حالف ان اموت واوسّد يمينـي = لادله قلبي ولا سجيـت منـه

عاتقٍ حبه وماضيٍ له سنينـي = مقرعٍ قلبي عليه اقـراع شنـه

اجحد الخلة وانا قلبي حزينـي = واتعزز كن نفسـي مرجهنـه

ان رقدت آخذ بنومي ساعتيني = وان صحيت اتابع الونه بونـه

حي من قبل امس شاهدته بعيني = سجة ٍ وياه بعض الوقت جنـه







(( الرجـــــــــــم الطويـــــــــــــل ))




جية الرجم الطويل اكبر خطيه = غير حدتني غرابيل الليالـي

احسب ان عيني عزايمها قويه = لين شفت الليل داركني لحالي

ودي اصبر غير مالي مقدريه = دمعة العين الحزينه ماتمالـي

ذاالسنه ماعاد فيها مجامليـه = وانكشاف السد ماهوب الهوالي

ارتكبت الذنب في النفس البريه = لوبغيت اعتاقها مازيد جالي

ذي حياة اهل القلوب العاطفيه = تصفق الدنيا بهم في كل جالي

عادني راجيه في عيد الضحيه = يوم فات العيد الأولماصفالي

عايشٍ عيشة وزا ماهي هنيه = عيشةٍ بين الحقيقه والخيالي





(( خاطــــري داروه ))




ونتي ونةٍ خلـوجٍ مـع الوقـت العتيـم = وكدت مذبـح ولدهـا وحالـوا دونهـا

حالي اللي راحت اشجار وديانـه هشيـم = مبطـيٍ مازيـد دب الحيـا بغصونهـا

لاجرى ماها ولازيـد حركهـا النسيـم = من بطا الامحـال فيهـا تغيـر لونهـا

كانيٍ مابي وانا مخفـي ٍ شـي ٍ عظيـم = وكل الارض اليوم ضاقت علي ركونها

ياعرب تكفون من كان له قلب ٍ رحيـم = كل نفس ٍ صابها الحـزن لا تقصونهـا

خاطري داروه ياللـي تـدارون اليتيـم = وان بكت عيني من الدمـع لا تنهونهـا

كبدي اللي لاعها خافي الحـزن السقيـم = كـل ماقلنـا تشالـت تزيـد طعونهـا

كل ما بريت جروحي من الحزن القديـم = جيت دار ٍ حايـل ٍ البطـا مـن دونهـا

في الهوى حزات من وصف جنات النعيم = وفيه نار ٍ جملـة الخلـق مـا يقوونهـا





* جرت دمعتي *

جرت دمعتي من شوفة الدرار مهجوره ** وشوفة رسومٍ باني فوقها الذاري
يعاتبني اللي ماتسمعت في شوه ** رقود الضحى ماهوب عن حالتي داري
وعيني بكت من لوعة الحزن ماجوره ** ولاحدٍ يلوم العين في دمعها الجاري
أعد الدهر واحسب لياليه وشهوره ** من الحزن والهجران يبراني الباري
إلاقلت روحي من محبتك مخطوره ** تلفت علي كن له علي دين ويثاري
قضى العمر وانا ارجيه والنفس مقهوره ** كما بايعٍ يطلب حلاله من الشاري





& حل الفراق &

ليته يمدد لي الاجازه اسبوعين && ولا يعود هلال بعد رمضاني

ياعين قد بسك من الدمع ياعين && من لوعه الفرقى حصل ماكفاني

أنا انصحك ياعين وانتي تزيدين && تصخين بالدمعة عياناً بياني

حل الفراق وجا وداع المحبين && وجات الدموع اللي تعقد اللساني

أنا المولع في هوى الناس الاقصين && وأنا الحزين اللي ظلمني زماني



؛.. حكمني وليفي ..؛

حكمني وليفي حكم الاعدام والتعذيب .. وكل الجزيرة ضاق بي ربعها الخالي

شكت من رقيق الحزن قبلي جلال النيب .. وراحت مراديم الشحم عقبه هزالي

ولو صحت طول الصوت ماللصياح مجيب .. يخيب ظنوني كل من خاطره سالي

ويا مهبل اللي يحسبن الجروح تطيب .. إلادار معها الحول ماعاد تنزالي

أنا العاشق المظلوم والعشق ماهو عيب .. مع درب غيري لاني أول ولا تالي

أساهر نجوم الليل لين النجوم تغيب .. تهل السنة وتروح ماغاب عن بالي

يقولون طاب الجرح واقول وين يطيب .. دعوني بحالي لا تسالون عن حالي




( حلفت ما انساه )

زولٍ حياته على الدنيا عذابٍ لي :: لا قربه اشلا ولا فرقها باشلالي

أمشي بعزمٍ وخافي الحزن مضحيٍ لي :: وابعد عن الناس لا يدرون باحوالي

يطري علي كل ماوقفت باصلي :: وامنين مارحت طاريَه علي بالي

حلفتت ما انساه مادمه مودٍلي :: لو جيت باصد رمش عيونه أومالي






" حلت الفرقى "

ماهقيت إن الليالي تفرق الاجتماع "" لين حدتني ظروف الليالي القاسيه

ونتي عند المفارق ولحظات الوداع "" ونةٍ تهتز منها الجبال الراسيه

ودي أخفي لوعة الحزن قدر المستطاع "" لا تنقظ به جروحي وهي متلاسيه

اعرضوا ياجملة الناس عن كثر النزاع "" كل عينٍ تنثر الدمع ماهي ناسيه

حلت الفرقى وضاقت على الارض الوساع "" ومالت الدنيا وهي كان لي متواسيه





× ذا الليل أنا ×


ذا الليل أنا بالبكا مسموح ×× ما اشوف شيٍ تشافا لي

من ناظرٍ بالدموع يفوح ×× زادت همومي وغربالي

الدمع مامنه لي مصلوح ×× غير البكا قد هو اشلالي

أنا عليلٍ عطيب جروح ×× واصيح من قلة الوالي

ياليت كثر البكا والنوح ×× يرجع علي واحدٍ غالي

كم من زمانٍ يجي ويرووح ×× ومواجهه ماتهيا لي

من دونهم صار لي ساموح ×× وابغي الصبر غير ماجالي



* زمان البدواة *

وياعد جيت ادور اللي عليك العام ** زمانٍ مضى ياعد فوقك ويشرب ماك

هل مثولثاتٍ قبل تاتي البيوت خيام ** وذيك الخشوف اللي توقف على مسقاك

زمان الداوة راح واقفى مع الايام ** وصارت حياة البادية مثل حال غداك

أنا اشوف وقتٍ من شكى منه ماينلام ** ومن كان يبكي لا تقولون ويش ابكاك

وطيت الديار ونقضت حزني الجزم ** وببكي واقول ياذيب جر عواك


& زودت دقات قلبي &

زودت دقات قلبي واوجعتني && نظره اللي طول عمري مانسيته

نظرةٍ باسناعه العين اجبرتني && قد بغيت الصبر لكن ماقويته

كم فرحت ايام وايام احزنتني && في هوى اللي بعت روحي واشتريته

شفت حتى الارض مازيد اوسعتني && لين زيد اجيه والا اشوف بيته

كان ذا الدنيا معه زيد اجمعتني && الحياة الغاليه مني عطيته

الليالي الققاسيه عنه ابعدتني && ماينوشه طول صوتي لو دعيته




* نـاح الحمام *

ناح الحمام وهاضني باللحوني ** نوحه طرب أنا إلا نحت مظلوم

باسباب ناسٍ في المحبه بلوني ** وبقيت في الدنيا وحيدٍ ومهموم

ناسٍ بليت بحبهم وانكروني ** ماكنهم مضوا معي معرفة يوم

وياليتهم عقب العطش ماسقوني ** شرابهم مرٍ على الكبد مسموم

وعقب الجفا والبعد ماواصلوني ** ولا زيدجامنهم مراسيل وعلوم



& هراج القفا &


ونتي ونة تجض من الحفا && عرضوها الحزم ركابها غب الصلف

لا تطاوع يا أشقر الراس هراج القفا && كاذبٍ في كل ما قال لك وإلاحلف

قصد هراج النمايم يكدر ماصفا && لاتخلي كل عدو ٍ يحقق له هدف

كن في كبدي حريقٍ لهيبه ماطفا && مثل ضوٍ ساقها النود باطراف السعف

يالطيف الروح واجهت منك ماكفا && إعتق النفس الضعيفه على ماقد سلف

دمعه العين الحزينه تبين ماخفا && كيف بجحد لوعه الحزن والسد انكشف

ياوليفي وين عهد المحبه والوفا && لا تجافي من تبين بحبك واعترف




الـقـصائد الاجتماعية






× البدو شدوا ×

لا والله إلايبست خضر الاوراق ×× والعشب لاعته السموم بو حمها

والبدو شدوا مابدت شمس الاشراق ×× كلٍ تنحر ديرته والتهمها

يتلون طرعاتٍ تخافق تخيفاق ×× ورعيانها ماعاد تفهق زعمها

لا روحت قامت تبادل بالاشناق ×× وكبارها للدق ترفع رزمها

وظلالهم لا قيلوا خدر ورواق ×× وبيوتهم ماهي تفكك حزمها

يبغون دارٍ فوقها لاح براق ×× ماحلها شاويٍ يربع بهمها

من عقبهم صدري غدا به تغلاق ×× وإن جابيكتم عبرته ماكتمها


(( أهـــــل النميـــــمه ))




أهل النميمه والحكي والمسبـه = بين الاخوان يولعون السعيـره

ناسٍ من الحبة يحطـون قبـه = ويكوّنون من الصغيره كبيـره

مكثرة حقدك على مـن تحبـه = ومفرقه بين الخشير وخشيـره

رجلٍ كلامـه مايسنـع مطبـه = قبل يتكلم مايحاسـب ضميـره

لبّاس ثوبٍ يجهلون العرب بـه = وهو تابعٍ ممشى الوجيه الحقيره






(( عــــــــالم اليـــــوم ))





عن كشف سر الناس ماني بملزوم = وشورك لمن لا يطلب الشور ضايع

عن عالم امسٍ يختلف عالم اليـوم = متخالفيـنٍ بالشـكـل والطبـايـع

ياما من العثرات والشـوم واللـوم = الله يخرجنـا ببيـض الصنـايـع

يارب من صلى لرجواك ويصـوم = وروحه وداعه وانت راعي الودايع

يالله عسى ماني من العفو محـروم = عسى ذنوبي ماتجـي لـي منايـع



(( في امان الله يا البل ))




في امان الله يالبل عسى حظك يزيـن = تعتنز روحي من الثقل فـوق كفوفهـا

هملوك اللـي بعدنـا وحنـا منتهيـن = غصب ولا العرب ماينّسى معروفهـا

حزت منك يوم ذهّبت في روحي عوين = الجهد كمّـل وعينـي تدانـى شوفهـا

حي وقتٍ فات يالعرب جرعات الحنين = يوم اهلهـا دونهـا يفتقـون سيوفهـا







(( نـــودٍ من الغربـــي ))




نودٍ من الغربي وروس المبـادي = يسوى جديد القصر لو زان مبداه

بارضٍ جديده والمنازل جـدادي = ماكان في قلبك من الهـم تنسـاه

لازان نبت العشب في كـل وادي = مثل الزوالي اللي تنشّـر مشـراه

شرفت حاديني من الهـم حـادي = في راس رجمٍ هيض العين مبـداه

اهل خافـي عبرتـي بانفـرادي = من جور همٍ عيت النفـس تقـواه

واقول ياقلب الخطا مـن تنـادي = وقتٍ بحال الناس هـذي سوايـاه

اشوف وقـتٍ ماعليـه اعتمـادي = رفع الهزيل وعالي الناس وطـاه

مثل الكسيرة في نهار الطـرادي = هذا الزمان اللـي عطانـا مقفـاه

افراحنا اللي في ليالـي العيـادي = اقفت مع وقـتٍ تقافـت مطايـاه

قفا زمـان مخضبيـن الهنـادي = وجا وقت جيلٍ مذهبه ماعرفنـاه

الا نصحت اللي عن الدرب غادي= تبلش الين تسامحه فـي خطايـاه

ان كل زرعٍ مقتفيـه الحصـادي= ينشف ولو هو يجري الماء بمسقاه

وروح الفتـى لابدهـا للنفـادي = نفسك اجلهـا لاقـرب ماتعـداه








:.. ســـت شــهــور ..:

أنا البارحة ماامسيت لين بان وجه النور .. وكن فب حجا عيني من الشب والزنجار

سألت الطبيب وقال عاد لك ست شهور .. وانا باتصبر والمعنونة مع الصبار

وكلٍ نهار العيد له فرحةٍ وسرور .. وانا فرحتي بالعيد عيني تهل عبار

ألا يالشمالي كان خلي نوى في بور .. لقينا البدل به والغضي ماعليه اخيار

ومادام عليٍ باقيٍ ماعلي قصور .. يبورون خلان الفراغة وهو مابار





1- الشمالي : هو محمد بن حمد بن نوطان.

2- علي : هو علي بن حمد بن نوطان وهما اخوي الشاعر .



الله يرحمه ويسكنه فسيح جناته واسمحولنل على القصوور

اخوكــ م
شآسع المري

المصدر: الملتقى الجماهيري للشاعر محمد بن فطيس المري

❀●
||شآسع المري||
الله يرحمه يارب
ويسكنه فسيح جنانه
كفيت ووفيت لاهنت
لم اعرف ماذا انتقى من روعه ابياته
ذائقه رائعه هنا
ومتصفح يزخر بالعذوبه والروعه
بيض الله وجهك ولا هنت خيي ..
والله يعطيك العااافيه
انتقاءك مميز لشاعر اكثر من جميل
نتظر بوح قلمك المتجدد ,,
ودمت بخير ,,
● ❀

قصائد ذوووق ما شاءالله تشكر عليهاا يابعدي

ننتظر ذوقك وصح بنانك يالغالي هع هع هع هع

يعطيك العافيه يالغالي

مشكور على المعلومات

واختيار موفق لاهنت

بصراحه قصائده راقة لي

اقتباس المشاركة الأصلية كتبت بواسطة الفلوه ❀● ||شآسع المري|| الله يرحمه يارب ويسكنه فسيح جنانه كفيت ووفيت لاهنت لم اعرف ماذا انتقى من روعه ابياته ذائقه رائعه هنا ومتصفح يزخر بالعذوبه والروعه بيض الله وجهك ولا هنت خيي .. والله يعطيك العااافيه انتقاءك مميز لشاعر اكثر من جميل نتظر بوح قلمك المتجدد ,, ودمت بخير ,, ● ❀

اكرمتينا بزيارتك
رد جميل ورآقي أعطآ الموضوع حجمه

إبداع في المعنى و تميز بالمضمــون .,,
سلمت يمنآك,,
ودام عطاء قلمك النابض,,
شاسع المري
قصائد رااااائعـــــــهـ للشاعر عامر المري
رحمه الله
مبدع في الطرح اخي
وذائقتك مميزه ,,
لاتحرمنااا روعة حرفك,,
دمت بسعــاااااده اينما كنت,,
آحترامي,,

لاهنتو جميع على الاطـلآع

أخينا في الله شاسع المري
اولا ً أسعد الله صباحك يا خوي بالرضا والقبول وبحب الله ثم الرسول
ثانياً طرح رائع لعلم من أعلام الشعر لآل مرة خاصة وللخليج عامة
الشاعر المغفور له بإذن الله عامر بن حمد بن نوطان المري فهو اشهر من نار ع علم
ديوان زاخر بل عامر يستحق بأن يثبت ومن جهتي يقيم ..
أخوي في الله شاسع كن هكذا دائماً وابداً كما عهدناك
لا تثرينا إلا بما هو جيد وراقي يرتقي بالمار عليه والقارء ايضا
تقبل مروري بحضوري أختك في الله وأخت الجميع هنا حروف من نور ..

حيآكم الله


على الزياره الخفيفه

شآسع المري
طرح راقي و رائع
من شخص ذو ذائقه
شعريه رفيعه
تحياتي و تقييمي