تدري وش اصعب شيء؟...عيد بن دمخه

تدري وش اصعب شيء؟...عيد بن دمخه

السلام عليكم ورحمة الله وبركاته



تدري وش اصعب شي ياهوه تقراه؟
نضرت حبيبن من سواياك مجروح

وتدري وش اصعب شي ياهوه تنساه؟
دمعت حبيبن هلها يومك تروح

وتدري وش اصعب جرح ماتوجد دواه؟
جرح المحبه لابدا فيك مفضوح

وتدري وش اسهل كلمه تقولها ؟؟أه
بس انها ذل وبها كسرت طموح

تدري وتدري والبقيه على الله
ترى المحبه مابها ضحك ومزوح

هذي قصيدة لو تبي سمها وصاه !!
أو سمها درسن من الوقت مشروح


وسلامتكم / عيد بن دمخه السهلي

المصدر: الملتقى الجماهيري للشاعر محمد بن فطيس المري

صح الله لسانك يالسهلي .. قصيده بسيطه في تركيبها ولكنها جميله وقريبه من القلب .. دائما جزل ونصوصك جزله .. شكرا وبارك الله فيك .. تحياتي لك ولقلمك ..

ياهلابك يا امير

وصح الله بدنك طال عمرك

ولاهنت على المرور والرد

لك كل الود والاحترام

الله على دروسك الشعريه ياعيد

بالعون انك شاعر يستفاد منه


صح لسانك مدد لا عدد

تحياتي لك يالقرم

تسلم طال عمرك

وصح الله بدنك وبيض الله وجهك

بس ترا بالعون شرك طال عمرك

لك كل الود والاحترام

عز آلله قصيده تسوى لها ديوآن

كل بيت اعجبني فيها ..
صح لساانك ياعيد وإستمتعت بقرآءة قصيدتك

لاهنت يالذيب

ابن دمخه السهلي

صح لسانك وتسلم على هذا الابداع المتواصل

تقبل تحياتي وخالص تقديري

صح لســاآنك ..

... عيد بن دمخه ...


ااالله ااالله عليك يالجزل

بيض الله وجهك على هالقصيده الطيبه

دائما مميز ياعيد لاعدمت هالحضور وهالجزاله

تحيه طيبه لك دمت بخير

اقتباس المشاركة الأصلية كتبت بواسطة ليل العآشقين عز آلله قصيده تسوى لها ديوآن كل بيت اعجبني فيها .. صح لساانك ياعيد وإستمتعت بقرآءة قصيدتك لاهنت يالذيب

هلابك ياليل العاشقين

وصح الله بدنك طال عمرك

ولاهنت على المرور والرد

لك كل الود والاحترام