يا بوأحمد لكم مني تحيه =سلامن ما نبي لاجله عطيه

يا بوأحمد لكم مني تحيه =سلامن ما نبي لاجله عطيه

تقبلوا ابيات بمناسبة استضافة الوريكي لي في موضوعه وحبيت أنقلها لكم
لا تليق بمقامكم السامي الكريم ولكن العفو من شيم الكرام

يا بوأحمد لكم مني تحيه =سلامن ما نبي لاجله عطيه
على مجهود للاعيان واضح =نثرت الورد في صبح وعشيه
وأهني يا محمد كل مبدع = ولا أبغى من تهانينا هديه
دفعني للمدايح شي شفته = تماسك بينكم ما فيه زيه
وهذا طيبكم ماهو غريبه = مثل هتان في زهره نديه
ولو ان الطيب شخصيه تمشى = لابو أحمد وقف دق التحيه
لان المدح في مثله يقصر = شبور المدح عن راع الحميه
هذاك المدح لا وصله يوقف =لان الطيب ابو احمد سميه
لشاعر في زمنا ما لقينا = ولا مثله ولا نلقى حليه
أبوه الشيخ وافي ثم وافي = من أجل الدار ما هاب المنيه
وله عزوه من إخيار القبايل = كسب طيبه من أعمامه حذيه
عليه أغلا سلامي والتحايا = ولا يالله يا رب البريه
تخلي له غلاه وكل غالي = وتستر شخص ما دار الأذيه
ولا من جيت يا مدحي تهيض = لابو مشاري فله حقن عليه
واعطه من مدايح له توازي = قلوبن صافيه بيضا نقيه
وأبمدح بالمواقف شيخ وافي = أديب القوم قائد للسريه
هذاك العابر اللي لو مدحته = مواقف شيخكم تصعب عليه
ولكن المدايح ما تكفي = عتيبي بالشعر له جاذبيه
ومدحي عند ابو هباش يقصر = ولا توفيه حرف الأبجديه
وابن قحطان هذاك المسمى = سليل المجد بالافلاك ضيه
ولا ننساك يا جزل المعاني =معزبنا الوريكي يا هنيه
له الوقفات تشهد في ثباته = وتشهد له صحاري جرهديه
ورايد هو وفيصل وابن ثامر = رجال العز ورجال الحميه
وابن بداي ومجازف وأحمد= رجالن ما وطو درب الرديه
وماجد مع فهد وابن التميمي = لهم في منتدانا قابليه
ومشرفنا على منتاج فديو =بتصميمه وصل هضبة طميه
وشاسع يا قصيدي دوم عالي = تعلا بيننا زبن الونيه
ولا مني مدحت الشيخ ناصر = شريفن ما نسا وقفة خويه
ولا تقصر يا مدحي لا نخيتك = تجمل في مديحي بجهنيه
ولي في داركم فلوه رقيقه = نديه والمشاعر دووم حيه
ومدحي ما نسا بنت الاكابر = هذيك العاليه حره ابيه
ولاني قادره بالمدح أكفي = ولا لي بالمدايح مقدريه
ولكن للجميع ازكى سلامي = لكم أغلا سلامي والتحيه

وأسفه على القصور تقبلي أرق التحايا من ترانيم

المصدر: الملتقى الجماهيري للشاعر محمد بن فطيس المري