يالله يا عالم خفى غيب الاسرار ... ياكاشفٍ باس الحمول الثقالي

يالله يا عالم خفى غيب الاسرار ... ياكاشفٍ باس الحمول الثقالي

بسم الله الرحمن الرحيم

السلام عليكم رحمة الله وبركاته

قصيده موجهه الى اخي العزيز خالد بن سهيل العبيريد العتيبي

يالله يا عالم خفى غيب الاسرار
.............. يا كاشفٍ باس الحـمول الثقالي
يا خالق الجنه ويا خــالق النار
.............. أنت الولي ما غيرك اليوم والي
يا دامحٍ زلات عــــبده وغــــفار
.............. ومبدلٍ جــــــور الدهر بالخيالي
الواحد المعبود والنافع الضـــار
.............. رحماك ياربي عـــــزيز الجلالي
هاض الفؤاد ولج مكنون الاشعار
.............. وبديت مبداً في طـــويل القذالي
يبني بيوتن صخره فكـــر بيطار
.............. بيطار شعـــــرن للتماثيل سالي
حيثه يعالج بعض مردود الافكار
.............. اللي لها في خــــاطري إجتوالي
يارب عفوك من تصاريف الاقدار
..............ومن هجس حسادٍ على كل جالي
يا جاهل الدنيا ترى الوقت غـدار
.............. دنياً تقلب بين مــــرن وحـــالي
دنياً تخلي راعي الفكـــــر يحتار
.............. تقـــــبل وتقـــفي والليالي ليالي
الناس غايه بين رافض وعـــذار
............قالوا رضى المخلوق صعب المنالي
ذي حكمة الله دايم الــدوم ما دار
............ علام ســـــر أحــــوال حالٍ وحالي
ماني على المكتوب لو صار ماصار
.............. راضي وصبري فوق كل احتمالي
لا شك ماني للسواليف هـــــــذار
.............. ولا ادور اعلوم الردى والخـبالي
خوي دربي له معــــــزه ومقــدار
.............. على النقاء يبقى محشـــم وغالي
منهو بغاني يِبشــــر بكـــل تعبار
.............. ومن راح عني جعل دربه سهالي
الطيب عدن بين مارد ومصــــدار
.............. وأنا مع الطَيب طــــوالن حــبالي
ورثن ورثته من طويلين الاشـبار
.............. ربعن على نطح العــدى ما تبالي
سمو البقوم اللي بعيدين الاذكــار
.............. اهل الوفاء والطيب واهل المعالي
هذا ولاني مرخص احقوق الاخيار
.............. كل ابلجن بالطيب جزل الخصالي
والنعم في كــل القـــــبايل بالاقطار
.............. الحــــضر وألآ ناقلين الرحــــالي
الكل منهم عــــــز وسلـــوم ووقار
.............. يبقى الغلا حشمة زحول الرجالي
واليوم زان الجو من عقب الامطار
.............. جون يوسع خاطـــــري وابتهالي
يا سعود جَهز للمطاليع فكــــــسار
.............. الجيب جـــــاهز للدروب الطوالي
جونا العسوس وكل وارد بالاخبار
.............. وقع المطر من رايح المــزن تالي
ديمن غشى وجه البسيطه والاقفار
.............شرقن وغرب وفي جنوب وشمالي
من فضل رب البيت خلاق الابصار
............. خير الكريم اللي على الناس عالي
إنحر قـــدم ما دام ناوين الاســــفار
............. شرقن من الطايف لنجد الســهالي
على الطريق المزدوج اسود القــار
............. خطــن مذاهيبه على شـــــف بالي
نبى على الفرجه يِطيبن الانظـــــار
............. وسع الفضى مع جرهد البيد سالي
متين كيلو لين شــــامــــان ويسار
............. ضلع البقـــــوم المشتهر فالجبالي
وعده لمفرق ظلم يا نســـل الاحرار
............. وإفرق يسار وخــــل مشيك عدالي
على عفيف العــــــز يا حي من دار
............. دارن ربوا فيها رجــــــال الشكالي
ونوه على اللي يكرم الضيف والجار
............. ابو سهيل وخـــــوته راس مـــالي
خالد زبون الطيب حَـــــلال الاشوار
............. امعـــــربن ما بين عــــمن وخالي
من لابتن بالطيب والعـــــز والكــار
............. إعتيبه الهـــــيلا كــــــرام السبالي
ذباحت الحايل على الجود بإصــرار
............. ولطـــــامة العايل نهـــــار القتالي
والنعم والله قلتها إمــــــرار وإمرار
............. خوه وجيره مــا عليها جـــــــدالي
شرواك جينا يا أبيض الوجه خِطار
............. على الوفاء دام الوفــاء بالوصالي
وختامها اعـــداد ما طايرن طـــــار
............. على النبي اللي للإمـــــه مــــوالي

فهد ثامر المرزوقي

شامان اسم لضلع البقوم المعروف والملقب ايضاً بــ ( حَضن )

المصدر: الملتقى الجماهيري للشاعر محمد بن فطيس المري

وعليكم السلام ورحمة الله وبركاته ,,

ياهلا ويامرحبا يابو ثامر ,,

صح الله لسانك ولاعليك زود واكيد انك من رجال اهل نعم واهل جود واهل فخر وكل علم طيب ورثت العز والطيب بيض الله وجهك على هالمعزوفه فعلا ً انها معزوووفه بمعنى الكلمه ماشاء الله تبارك الله واسئل من الله ان يلهمني الرد الي يجملني على الثناء لك ويرتقي الا مقام الابيات ومستواها ,,

كن بالقرب ياغالي بأذن الله يجيك ردي ,,

كل شكري وتقديري لك وصح الله لسانك مره اخرى .

صح لسانك وبيض الله وجهك ومن كريم لمستحق

ماشاء الله لاقوة إلابالله
صح لسآانك فهد
ونعم فيك وكل القبآيل
اطول قصيده قرأتهآ هنآ ~
بس من جد ابدعت فيهآا
ومو أنا اللي اقولك كدا بس وربي عجبتني
الله يحفظك ويحميك يآارب

وبإنتظآره شآعرنآ خآالد

صح لسسسسسانك يالبقمي عداد بلا مداد
ان اشهد انك من خيااار الرجاااال ونعم فيك وبقبيلتك
وخالد يستاهل وقبيلته ولاتهون القبائل
فهد قصيده اجبتني كثيراً كثيراً
تستاهل احلا تقيم+++++

وعليكم آلسلام ورحمة آلله وبركآته
صح لسآنكـ يآبوثآمر ونعم بكـ وبآبوسهيل
قصيدة جزلة ومسنده لشخص كفو وسنرتوي من ردّه قريبآ بإذن آلله

الطيب عدن بين مارد ومصــــدار
. وأنا مع الطَيب طــــوالن حــبالي
ورثن ورثته من طويلين الاشـبار
. ربعن على نطح العــدى ما تبالي
سمو البقوم اللي بعيدين الاذكــار
.اهل الوفاء والطيب واهل المعالي

كفوو كفوو والله ي البقمي ومليون نعم فيكم
سلم فكرك وصح نبضك..
وبيض الله وجهك
دمت بــ خير وسعآآدهـ ..؛

ابو ثامر صح السانك وبيض الله وجهك شاعر جزززل ومبدع

والاجمل في القصيده انك وجهتها لشاعر مبدع ومتميز وكلنا بانتظار رده

والله يعينه على عدد الابيات شكرا لك مره ثانيه على جمالية ابياتك

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وعليكم السلام ورحمة الله وبركاته ,,

ياهلا ويامرحبا يابو ثامر ,,

صح الله لسانك ولاعليك زود واكيد انك من رجال اهل نعم واهل جود واهل فخر وكل علم طيب ورثت العز والطيب بيض الله وجهك على هالمعزوفه فعلا ً انها معزوووفه بمعنى الكلمه ماشاء الله تبارك الله واسئل من الله ان يلهمني الرد الي يجملني على الثناء لك ويرتقي الا مقام الابيات ومستواها ,,

كن بالقرب ياغالي بأذن الله يجيك ردي ,,

كل شكري وتقديري لك وصح الله لسانك مره اخرى .



يا هلا بك يابو سهيل
وصح بدنك ووجهك ابيض لي الشرف ان اسندها
لرجل مثلك وشرواك ولا هانوا اخواني الشعراء في هذا الملتقى
الجميل والرائع
كل التقدير والاحترام لك وصح بدنك مره ومره ومرات
بالتوفيق يالغالي وللجميع

اقتباس:
المشاركة الأصلية كتبت بواسطة المطنوووخهـ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك وبيض الله وجهك ومن كريم لمستحق




صح بدنك ووجهك ابيض اختي المطنوووخهــ
ولا هنتي على الحضور الجميل
بالتوفيق لك وللجميع