رح : [فمـــــآآآآآن الله]

رح : [فمـــــآآآآآن الله]

دمع عيني لك حلال ودمعة عيونك حرام = تستلذّ الدمع من عيني وقلبي تهجره
يوم قلبك ما ملاه الهوى شوق وغرام = ما لها داعي تجامل وقلبي تجبره
كآن بيدك قولها قبل مآ أبدآ بالكلام = أهون ولآ أنثر على الحب ورد المقبره
مآ بنت الأحلام فالحب للعاشق سنام = هكذآ الأيّآم تعطي الدروس المثمره
رح فمآن الله معآد لك عندي مقآم =-باب قلبك ما هو بكيف قلبي يكسره
كآن ما للعاشقين بمحبّتهم وئام = كيف نجبر حبّنا والشعور مبعثره
إيه بعدك يمكن العين ما تقوى تنام = وإيه بعدك كل شعرٍ كتمته بأنثره
وإيه بعدك باهجر الحب وابقى مستهام = عايشٍ ذكرى حبيبٍ يقولون إهجره
سمّها زي ما تسمّي غبا والّا إنتقام = المهم أبعد عن القلب والحب أقبره
وأوعدك براجع القلب والوعد التزام = وكل شيٍ فات لزمٍ عليّ احضّره
كان جاك العفو فثن التحيّه والسلام = والعفو سيْد المكارم وعند المقدره
هكذآ يعني نسيتك وطلّقت الملام = يآ حسافه صار فرقاك عندي مغفره
لا تقول إنّك جرحت المحبّه باحترام = جرحك الماضي ترى قدم عيني منظره
مآ هو بصالحك لا تنبش جروحٍ قدام = خلّها يومن قلبي غفر لا تقهره
استلذ العمر قدّام وانساها دوام = دامها وحدة بوحده واش اللي تنظره
تزهر ديارٍ سنيّه على وبل الغمام = الله اللي وآمره والله اللي قدّره
مثله يقولون الهوى يسقي قلوب الهيام = وانت حبك يسقي القلب مرّ ويسْكِره
رح خلاص وخل قلبي من فراقك حطام = رح وخبّر كل عاشق بحبّي خبّره
انتهى فلم التحدّي وعام الحب عام = خاينه من جنس حوّا وءآدم شبّره
كل مآ نآحت على الغصن ترفآت الحمام = قال يالله عفوك اليوم من كيد المَرَه

المصدر: الملتقى الجماهيري للشاعر محمد بن فطيس المري

صح لسانك فهد دوم مبدع
رجعت ورجع الابداع
ودي وتقيمي
حلم

الشاااااعر الفاااارس
فهد الهباااااش
والنعم فيك يا صبي قحطااااااان
وبيض الله وجهك على هالحس الشاااااعري المستغير والقوي
عزة رجل جسدها هنا شااااعرها لله درك
كل حرف من ورى جرح وألم
ودي اقتبسها كلها لكن وش اقول وش اخلي
شاااااعر جزل لله درك
تقبل مروري المتوااااضع اخوك الصغير
عاااامر صالح ال شنيف

إيـه بعـدك يمكـن العيـن مـا تقـوى تـنـام*وإيــه بـعـدك كــل شـعـرٍ كتمـتـه بـأنـثـره
وإيه بعدك باهجر الحب وابقـى مستهـام*عايـشٍ ذكــرى حبـيـبٍ يقـولـون إهـجـره
سمّهـا زي مـا تسـمّـي غـبـا والّا إنتـقـام*المهـم أبعـد عـن القـلـب والـحـب أقـبـره

مرحبا ومسهلا يافهد بعد غيبه طولت
حياك الله رجعت ورجع الابداع معك
صح الله لسانك ولاهنت على هذه
الجزاله الغير مستغربه منك

لاهنت وصح لسانك على القصيده الجزله والمميزهـ

حياك الله يا سميي ويامرحبا عقب البطى
صح السانك ترليون نص من اوله لأخره امتاع وجزاله
حضرت وحضر الشعر ارويتني وكفيت
بيض الله وجهك تقييمي +++++

ي هلابك اخوي
يسلم نبض قلبك
ع القصيده الشامخه بكل مافيها

من طول الغيبات جاب الغنايم

وبيض الله وجهك يافهد على هــ القصيده الجزله

تحيااتي

صح لسانك يافهد دوم وانت مبدع
حييياك وبيض الله وجهك
قصيده روعه

صح لسانِكْ

أبيَاتْ عَذْبَهْ تِصِلْ لِ القَلبْ وَ تُرْوِيهْ
مُبدعْ ما شاءْ الله ..