مقتطفات من اشعاري , لم تكتمل

مقتطفات من اشعاري , لم تكتمل

ماكــل مــن سمّوه رجـال رجــال ** بعض الرجال بساعة الضيـق رمّـه
لي صاحبٍ والله مثر على الـحال **ماشفت عيبه لـيـن جـات الـــمطـمّـه
ان شفت هرجه قلت فارس وخيال ** نشمي محنك ماعرف مــن يــهـمّـه
لكـنّ لـو تـرجـع بتـاريــخ الافـعال ** تـلـقى الرخـامـه كلـهـا تحت كـمّـه





ياللي تـنـشّـــد عن الحال وعناوينه ** افهم جوابي من القاصي ليا الداني
اللي سواتي تعرف الحال من عينه ** وعيوني تجملك عن كلمة لسانـي





لآتكثر اعذارك ولا تمد يـمناك ** مادام غيري عوضك عن مكاني
خلآص فارق والله انا كرهناك ** الظاهر انـك ماتـعرف السنــاني




ليا منه تعب حالي دعيت ان الله يشافيه ** عــسـى ربـي مـن الاسباب والعله يطيبنا
مصايب عصرنا كثرت وكلاً فيه مايـكـفـيـه ** وإذا شفنا مصايب غيرنا هانت مصايـبنا





يالمالكي نسل الرجـال الـصـناديـد ** عــسى زمانـك مايـلاحــق زماني
ايامنا ماتنضمن يابـــو حــــمــيــد ** تضحك وتقلب ضحكها في ثواني
ان كان تبغى عبره اعطيك تاكيد ** شوف الليال وفـعلـهـا بالـسـنـانـي



كل من سألني قلت ابشرك في خـير ** واخفي ورى ضحكي دموعٍ حزينه
ياشوق مانـــــقـــدر نرد الــــمقــــادير ** البعد خلي حال بــينــي وبـــيـــنه
يكفيك شعري عن جميع التــقاريـــــر ** مقدر اصارح بالجروح الـــدفيـــنــه




انت حتى في غيابك طيفك مشكل مهابـه** ساحرٍ مُبدع ولكن سحرك السحر البياني
لاذكرتك جات بين العقل والخافق حرابه ** انت والخافق وعقلي كلكم ضد السناني



الجادل اللي سهر القلب مــابـات** قابــلتـها في مول من قبل يومين
ياللقـهـر ياللـنـدم والـحـسـوفاــت ** راحت علي ولاتأكدت من ويـن
ليت العذارى كل ابوهن بلوحات ** يكفيك منها لو تذكـرت رقـميـن



بعـطيكم الـحكــمه الـلي زودتني غليل ** يقولها شـاعـرٍ بالــصدق خـط قــلـمّــه
اكبر مصيبه تحصل لك شجيعاً بـخيل ** وماهي غريبه تحصل لك بخيل رخمّـه

المصدر: الملتقى الجماهيري للشاعر محمد بن فطيس المري

عبدالله السناااااااااااااااني
حييت يااا القررم وحي ما جيت به
صح الله احسسسسساسك والسسسسسسسانك على هالمقتطفاااات الجزله
لزوووم من تكملها شااااااعر دررx درر
تقبل مروري المتوااااضع اخوك الصغير عااامر

حيآك الله ياعامر , ودائماً تسعدنا بردودك الشيّقه

الله يعطيك العافيه على المرور ولآهنت

خلآص فارق والله انا كرهناك ** الظاهر انـك ماتـعرف السنــاني
والنعم فيك شاعر ماتحتاج شهادتي
أبيات جميله ومعبرة مليئه بالأحساس والمشاعر الوجدانيه
لله درك كيف مزجت جميع حالاتك هنا أهنئك على هذه الأبيات
وعلى روعه التنسيق لاعدمنا حضورك

ماعليك زود , ويعطيك العافيه على المرور

كلك على بعضك ذوق وابداع الله يحفظك اخوي عبدالله
مقتطفات الهدى جزاله وروعه تقبل تحيات خوك سعيد
في أمان الله حفطه

الذوق منبعك يابعدي , ولاهنت على المرور الطيّب

الله الله الله
صح لسانك ومن ابداع الى ابداع

واصل في تالقك اخي العزيز تسلم يا ابو عابد


ولكن ارجو اعادة النظر الى ما لون بالون الاحمر في هذين البيتين من ناحية الوزن طبعا

ليا منه تعب حالي دعيت ان الله يشافيه ** عــسـى ربـي مـن الاسباب والعله يطيبنا
مصايب عصرنا كثرت وكلاً مايـكـفـيـه ** وإذا شفنا مصايب غيرنا هانت مصايـبنا

تقبل مروري اخي العزيز

الشاعر - السناني - - - - بعد اذنك - - - لي عودة - للقراءة - - - لكي - استمتع بتلك الدرر الراقيه
لست هنا للمجامله - - بل هي الحقيقه 0

اخوك - موسى

صح لساااانك اخوي عبدالله

مقتطفاات رائعه وجزله

ابدعت ولاهنت