رديه بيني وبين ابو سالم

رديه بيني وبين ابو سالم

السلام عليكم ورحمة الله وبركاته ،،،

هاذا واحد من الجماعه عرف اني شاعر ويبغي يختبرني وارسل لي هاذي الابيات

قال :*

يا شاعر الاوطان يا شاعر الجيل
يا شاعرٍ في بدع الابيات موهوب

ويش حيلة المشتاق لا ضاق بالليل
يسهر طوال الليل من حب رعبوب

والله لولا محيي الارض بالسيل
ان يصبح المحبوب من هله مسلوب

لو كبرت القاله وقاموا رياجيل
واصبحت عند الامن للحق مطلوب

لعيون خلي ذا الصعايب تساهيل
يهون عندي الدم لو قامت حروب

الرد قلت :

يــا مرحبا بالطيــب والبن والــهيل
صفر الدلالي تحتها النار مشبوب

يازين شوف الـنار فوق المعاميــل
وخوة رفيقٍ صار بالطيب مرغوب

والشكوه اللي جات عبر المراسيل
صــار المولع فــالمـٓزايــين لــٓعــبوب

يالله لاتجـعل طريــقي على المـيل
ارحـم بعبدٍ صار بـالحب مذنوب

ترى رجال العرف واهل المشاكيل
يدمح لهم ربي من الشين محسوب

جاك العلوم امدون كذبٍ وتكميل
جانا زمانٍ بالوفا صار مكذوب

امن اولٍ اشكي من الحب والويل
وقلبي يشب النار بالصد لاهوب

لاكن تثبتنا بمثل المخاليل
وجروحنا دست من القلب محجوب

ماياتي المحبوب غصب وتذليل
مابعد خبرت الزين ياتي ومغصوب

امعسف اباياتي ومن دون تضليل
والرد زاهب ياعميلي وموجوب

يالله ترزقنا على المال والحيل
ونبعد عن الرادي ليا غير الثوب


وسلامتكم ؛

المصدر: الملتقى الجماهيري للشاعر محمد بن فطيس المري

صح لسانك ..
سلٍم لنآ هذآ الإبدآع
لكِ أرق التحآيآ وأعذبهآ
كٌل الود

صـح ابدنش ويشرفني مرورش وانتي الابداع كله