طاحوا اللي شلتهم وقت اللزوم! الشاعر بيان الذكري

طاحوا اللي شلتهم وقت اللزوم! الشاعر بيان الذكري

اسمحو لي بهذه القصيده واعذروني يوم كل القصايد المختاره تخص الشاعر بيان الذكري
والله ثم والله اني اجد فيها مايكنه صدري من الم لان اكثر قصايده فيها شي يحركني مو طبيعي
فانا متيمه بقصايده بشكل لاتلوموني فيه
هذي المقدمه عشان فيه ملاقيف يسالوني دايما على الخاص وودي تصلهم هذي الرساله والله يحفظكم
ويديمكم ويديم لنا هذا المنتدى الراقي واعذروني لو طولت عليكم
اختكم ساره عطيف العنزي_الكويت

طاحوا اللي شلتهم وقت اللزوم

من عقب هقوة تلاشت للعدم





*****







كنت باني فيهم الطبع الرحوم

ومابنيته في ثواني انهدم





*****





اطعنوني كثر اعداد النجوم

وصاروا اعدائي وللعاذل خدم





*****





طعنة الغافل طبيعة بالرخوم

يهتني لاشاف ظَهْرَك فيه دم





*****





يبقى طير البوم دايم طير بوم

لو رفعته فوق عوّد للقدم





*****





آآه من صفو الليالي ماتدوم

تخدع بضحكة تواليها ندم





*****





وآآه من علّة وصاحبها كتوم

حارق(ن) عُمره بهم(ن)مستدم





*****





بالملامح عِلم وبالخافي علوم

وبتقاسيم الوجه حزن(ن) رَدم





*****





ياكريم(ن)بالعطايا يارحوم


ارفع همومن(ن)بقلبي تحتدم

المصدر: الملتقى الجماهيري للشاعر محمد بن فطيس المري