يالشلي بعطيك قصه نصفها ماهو معي=وانت فسرها وعطني ما اتضح لك يافهيم
ليلة البارح سريت وما دريت اين اسنعي=في طريق" مستقيمه كنني فيها غشيم
السماء فوقي منيره والتمسها باصبعي=والبسيطه تحت رجلي واحت" فيها نعيم
والقمر كامل بنوره والبوارق تلمعي=انقلب ليلي نهار" كل عاقل به يهيم
والجبال اللي رواسي غاطسه تحت الرعي=لاتغنت بالهبايب زادت جروح السقيم
ينقطع فيها الخيال ويفقد الطير الوعي=لاتربع في سهلها ماحتمل شرط المقيم
تسلب العبره دموعه بالنكيف الموجعي=ويتصبر لين تظهر قبت الراس الحكيم
انتخيت وصحت ياللي في طرفنا تسمعي=لبني وافزع تراني في المواقف ذي عديم
العجايب واجهتني والخلايق هجعي=يحسبون الليل ساعه مرت بوضع" سليم
وانقطع صوتي وانا ادعي من يلب الناجعي=الصباح اقبل وسره يحفظه رب" كريم
هذي علوم" وجيزه كل علم" مقنعي=مايفسرها سوى شاعر ورجال" حليم

يا حسين اليوم ذكرت الخيال التبعي=الذي نبا على بعث الرسول المستقيم

كان حبك سبب الك الهم جره بالنعي=دام ما انت بشخص واطي لا ولا شخصٍ لئيم

شاعر ومن روس قوم تجيد نظم الاصمعي=جوف حكيك شفت شمس الليل ملتفه بغيم

عدت كني يا رفيقي بعد هرجتك امعي=واصبح الوجدان مما ريت بالفاظك هشيم

شفت برق عيونها كالنجم نوره مطمعي=وشفت هامت راسها زي الشجاع المستضيم

بين ذاك وذيك حصلتك معي تبغى السعي=حول كعبه من جمال الكون ما فيها حطيم

هذي ابياتي لفت لاحلامك تنادي طعي=يا عساني يا حسين اليوم صرت لها نديم

المشاركة الأصلية كتبت بواسطة محمد الشريف (المشاركة 191493) الله يسرني بأن اكون اول من يمر على متصفحك الراقي وقصيدتك الجزله صح الله لسانك والله لاهينك ياحسين قصيدة رائعة من شخصك الرائع .....

المشاركة الأصلية كتبت بواسطة ناصر الشريف (المشاركة 191534) يا حسين اليوم ذكرت الخيال التبعي=الذي نبا على بعث الرسول المستقيم كان حبك سبب الك الهم جره بالنعي=دام ما انت بشخص واطي لا ولا شخصٍ لئيم شاعر ومن روس قوم تجيد نظم الاصمعي=جوف حكيك شفت شمس الليل ملتفه بغيم عدت كني يا رفيقي بعد هرجتك امعي=واصبح الوجدان مما ريت بالفاظك هشيم شفت برق عيونها كالنجم نوره مطمعي=وشفت هامت راسها زي الشجاع المستضيم بين ذاك وذيك حصلتك معي تبغى السعي=حول كعبه من جمال الكون ما فيها حطيم هذي ابياتي لفت لاحلامك تنادي طعي=يا عساني يا حسين اليوم صرت لها نديم

المشاركة الأصلية كتبت بواسطة أمير الشريف (المشاركة 191537) صح الله لسانك وبيض الله وجهك .. جزززززززززززززل الى ابعد الحدود .. تقبل مروري البسيط