الملتقى الجماهيري للشاعر محمد بن فطيس المري - **قصـــــــــــــــــة اليتمـان**

بسم الله الرحمن الرحيم ..
قصة قديمة ايام البادية ..
نوع القصص من ايام البادية يلوق لي ض43ض29ض44
هذولا اثنين يتمان من بلدة شقراء كبروا ووصلا اعمارهم قرابة العشرين سنه واحد منهم هداه الله والتزم وربا لحيته وصار إمام مسجد والثاني بالنقيض تماما سكسك اللحيه والربابه بيده ومن نفود لنفود وراعي قصيد ومهيجن وكذلك مهاوي بنت خاله ويحبه على نقاء وكان دايم يروح لخالته يعرض عليه المساعده كله عشان يتقرب للبنت ويشوفه المهم جاء موسم الحج واخونا إمام المسجد نوى الحج وجاء لم اخوه راع الربابه وقال طلبتك ياخوي قال آمر تدلل

المهم جاء موسم الحج واخونا إمام المسجد نوى الحج وجاء لم اخوه راع الربابه وقال طلبتك ياخوي قال آمر تدلل قال انا نويت الحج هالسنه وابيك تمسك المسجد عن ...!!!!

قال ياخوي انا ماني فيد صلاة ولا عرف انا رجال راعي قصيد وربابه ومهيجن الوكاد الرجال الح عليه الح عليه ووافق اخونا راع الربابه

جت صلاة الفجر يوم صلا الامام وانتهت الصلاة قال للجماعه ياجماعة الخير انا نويت امشي اليوم مع الحاجه وترى اخوي فلان ويأشر عليه بآخر الصف يبي يمسك الامامه لين ارجع بالسلامه قالوا الجماعه الله يستر عليك ويطرح بأخوك البركة.. وهم خابرينه راعي قصيد ومطنوخ الرجال لكن قالوا مابه فايده

بدأ الرجال يصلي بالجماعه واموره زينه بس اللهم انه لا جاء يحدث بالجماعه بعد صلاة العصر يشيل الحديث شيله لكن ماشيء اموره سالكه الرجال .

بعد ثلاثة أيام بنت خالته فقدته بدى مايمر عليهم على عادته وجت حول البيت تنشد عنه وقالوا لها الجيران ان اخوه راح مع الحاجه وهو مسك مكانه في المسجد قالت البنت مو معقول ماني مصدقه هذا ماهو راعي صلاة قالوا جاك العلم قالت انا ماني مصدقه لما اشوف بعيني قالوا لاجت صلاة العصر روحي وشوفي جت العصر وهي لابسه هكالثوب وروايح حلوه

اذن العصر وجو الجماعه على العادة وجت البنت ومعه ثلاث اربع حريم وصارن على يسار الصفوف تقدم رفيقنا راع الربابه وقال للمطوع (( اقم )) اقام المطوع التفت على يمناه الامام . . وقال (( استوو )) والتفت على يسراه يبي يقول (( اعتدلوا )) يوم التفت ويلاه يراعي بنت خاله وهي تشيل اللثام عن وجه وهو يقول :-

تعدلوا يأهل القلوب المواليف ***
صيروا ورى القراي خمسة اصفوفي
حياك رب(ن) حيزم الغرس بالليف ***
مرجع بصر يعقوب عقب الكفوفي

إنك هواي بلابسات المشانيف ***
والكاذب الله يجهله مايشوفي

الله أكبر .........!!!!!!!

وهو يكبر بالجماعه ويصلي بهم يوم خلص والتفت واثره فشل من الجماعه قال واحد من الجماعه من كبار السن والله ياوليدي يازين صلاتك لك ثالث يوم إلا هالحديث اللي قلته بين الاقامه وتكبيره الاحرام وش هو !!! قال هذا ياعم . . (( حديث ضعيف جداجداجدا )) ومانيب قايله غير ماقلته . .

هع انتهت ** منقققول