|
يافهد ياقمة المجد وسنامه
بسم الله الرحمن الرحيم
أحبتي الكرام السلام عليكم اسعد الله جميع اوقاتكم بالخير والمسرات يسرني ان اقدم لكم هذاه المشاركه المتواضعه امل ان تحوز على رضاكم ألقصيده قلتها في (فهد بن مطلق بن زنيفر العجمي) راكب اللي يوصل السائق مرامه ...............منوة اللي ضاق والمجلاس مله مابعد حطو على بابه علامه ...................كود لوحاته توضح مصدرله وسايقٍ لا حاربت عينه منامه .......................ماتريح لين يقضي لازم له نوع شاصٍ مثل ذئبٍ بانهزامه ........شاف نور الصبح والشاوي فطن له كت حسه حس شعفٍ في غمامه ........................في مقاديم المزون المستهله زودو مع فن تصميمه نظامه ...................من تساوى فوق سيته مايمله صانعه يرمزله ارهاب وفخامه .....................تحدتي منه المواتر حشمة له بعد ما شغل وروح بالسلامه ..........................فوقه اللي كل منهاجٍ يدله لا فرق خط البويب من الثمامه ..........................وجهته قدام والمنعاج خله نصه اللي بالنبا شيد خيامه ..................عند ابو مطلق زعيم الطيب كله قبل اجي واروح يلزمني سلامه ..................منصح له بالسلام وامخلص له يافهد ياقمة المجد وسنامه ...................ياسعد من شاف من الايام خله يافرح عين الصديق ويا حزامه ....................ماغوى من حط مثلك محزم له ياعما عين الخصيم ويا خزامه ...................،انت ياسيفٍ ينومس من يسله عنوتي للي ينومسني مقامه ...................مكرم إكبار الشوارب في محله .جيت لك والوقت حاديني عسامه ......................كل همٍ جيت وضلوعي تشله رحت اسوق الهيم باديار المهامه .................في ضحاضيح الرياد المضمحله وردتني مشربٍ تسعين قامه ....................يصدر الضامي واريقه مايبله لعنبو من يلحق الطيب ملامه ...................ومسند الشكوى لاغير الله مذله والسلام بداية الهرج وختامه .....................هاذي علومي وجاك العلم كله |
رد: يافهد ياقمة المجد وسنامه
صح لسانك يااالغالي
مميز كاالعادة ربي يحفظك ونعم المادح ونعم الممدوح تحياتي وتقديري لشخصك |
رد: يافهد ياقمة المجد وسنامه
قصيده جزله
وصح السانك وسلم بنانك ابيات جميله ورائعه تقبل مروري وتقيمي |
رد: يافهد ياقمة المجد وسنامه
صح لسآانك سعيد
أبيآت راااائعة . . ك العآده عودتنآ على جمآل قصآئدك ومع إني ماأعرف فهد بس متأكده إنك ماتكتب إلا برجال كفوو . . أحلآ تقييم خيوو . والله يحفظك يآارب |
رد: يافهد ياقمة المجد وسنامه
صح لسانك
واعتلا شانك شاعر جزل مبدع دوم ي ابومحمد |
رد: يافهد ياقمة المجد وسنامه
لا فرق خط البويب من الثمامه
..........................وجهته قدام والمنعاج خله نصه اللي بالنبا شيد خيامه ..................عند ابو مطلق زعيم الطيب كله صصح الله لسسسانك مبدع ومهو غريبه عليك والله تقبل مروري خيو |
رد: يافهد ياقمة المجد وسنامه
اقتباس:
واليووم وعلى هالقصيده ماراح أعيد نفس الكلااام تدري ليه؟؟ لأنك ( مجرم حرب في الشعر ) ههههههههه .. صح لسانك واعتلااااا شانك .. تقييم عزاام باشااااا |
رد: يافهد ياقمة المجد وسنامه
صح السانك واعتلى شانك
تحيتي |
رد: يافهد ياقمة المجد وسنامه
مشكووور انت مبدع وصح لسانك واعتلا شانك
كماعودتنا على الجزاله والله لايضرك و ما ننحرم من طرح قلمك الرائع دمت بخير |
رد: يافهد ياقمة المجد وسنامه
اقتباس:
التميز والابداع حضورك جعلك تسلم مشكور على حضورك الموقر ولاهنت |
رد: يافهد ياقمة المجد وسنامه
اقتباس:
وانتي كذالك جزله وعاداتك الجزاله والطيب مشكوره على مرورك واتقييمك تحياتي لك ولاهنتي |
رد: يافهد ياقمة المجد وسنامه
اقتباس:
شهادتك اعتز وافتخر فيها والروعه في حضورك الف شكر على مرورك واتقييمك تحياتي لك ولاهنتي |
رد: يافهد ياقمة المجد وسنامه
يافرح عين الصديق ويا حزامه
....................ماغوى من حط مثلك محزم له ياعما عين الخصيم ويا خزامه ...................،انت ياسيفٍ ينومس من يسله ونعم بصاحبك يستاهل من هذي صفاته وصح لسآنك لاهنت عالجزله . تحيآتي . |
رد: يافهد ياقمة المجد وسنامه
ضامي من الشوق مرحباً مليون شرفت
متصفحي بحضورك العطر الله يرفع شاني وشانك مشكور على الحضور تحياتي واتقديري لك ولاهنت |
رد: يافهد ياقمة المجد وسنامه
اختي هايدي الحلوه مرحباً فيك تشرفت في مرورك العطرالف شكر
علي حضورك تسلمين والله وانا تعودت منك الكلام الطيب تحياتي وصادق ودي لك والاهنتي |
رد: يافهد ياقمة المجد وسنامه
اقتباس:
جعلك تسلم وافي وكلك تظر لاعدمتك الف شكر لك حضورك يشرفني وتقييمك تاج على راسي تحياتي وصادق ودي ولاهنت |
رد: يافهد ياقمة المجد وسنامه
عتيبي نجد يالله انك تحيه واتبقيه
شرفت متصفحي الف شكر لك تحياتي وصادق ودي ولاهنت |
رد: يافهد ياقمة المجد وسنامه
محمد الوريكي مرحباً مليون فيك اخي محمد
عزالله تشرفت بحضورك الجزل الف شكر مني لك مشرفنا العزيز تحياتي وصادق ودي ولاهنت |
رد: يافهد ياقمة المجد وسنامه
والنعم والله بحالك اختي الهوى شرفني حضورك وكلامك
الجزل جعلك تسلمين من طيب اصلك وافصلك الف شكر لك مشرفتنا العريزه ولاهنتي |
رد: يافهد ياقمة المجد وسنامه
صح الله لسانك مدد بلاعدد ....
المدح من اجمل فنون الشعر وخصوصا في من يستحقـــ |
رد: يافهد ياقمة المجد وسنامه
محارف الف شكر لك وكلامك صحيح الله يطول
عمرك شرفني حضورك ولاهنت |
رد: يافهد ياقمة المجد وسنامه
سعيد محمد القحطاني
اخي القدير والنعم بك وبصاحبك قصيده رائعه لاهنت كلك ذوق انو تكتب قصيده بصاحبك من طيبك يعطيك ربي العافيه وصح لسانك وعتلاشانك جعل والديك الجنه والفردوس الاعلي لروحك ياسمين وخزامي تقبل مروري |
رد: يافهد ياقمة المجد وسنامه
عدنا
صح الله اللسانك مدد بلا عدد وكفيت ووفيت وفهد يستاهل المدح وزيااده |
رد: يافهد ياقمة المجد وسنامه
شاعرنا ..
والنعم بحالكـ وبمن رافقت .. وصح لسسانك اخووي .. ((اسمح لي بهدا الاسم في بدايه ردودي .. لان فعلا تحوز على اعجابي قصايدك.. وشرواك معروف بالشاعريه ..مافيك حيلة )) كـــل التحايا ..:) |
رد: يافهد ياقمة المجد وسنامه
اقتباس:
صح الله لسانك ياسعيد ...والله انها جزله .. تحياتي لكـ ياذيبان |
رد: يافهد ياقمة المجد وسنامه
مبدع يالقحطاني لا هنت
لقد أسعدني تواجدي هنا أهنئيك على شاعريتك الفذه تقبل من التحيه أغلاها ودمت بود ترانيم |
رد: يافهد ياقمة المجد وسنامه
اقتباس:
وصح بدنك وجعلك تسلمين وافيه واشرواك الطيب يبنت المطاليق ويكفيني اشادتك عسى شيبانك بالجنه والله اني أنحرج من من طيبك انتي واكم واحد ووحده اتمنى ان اكون عند حسن ظنك وأظنهما تقبلي تحيات واتقدير اخوك سعيد ولاهنتي |
رد: يافهد ياقمة المجد وسنامه
اقتباس:
اسم عزيزٍ علي واقدر واحترمه عزالله تستحقين الاحترام وهذا من طيبك وحسن خلقك الله يرضا عليك ويوفقك والف شكر على مرورك وكلامك الجزل تحياتي. صادق ودي ولاهنتي |
رد: يافهد ياقمة المجد وسنامه
سعيد الهباش والنعم والله فيك يبن عمي
وجعلك سالم وغانم مشكور على مرورك العطر لابكيتك تحياتي وصادق ودي ولاهنت |
رد: يافهد ياقمة المجد وسنامه
الشاعره القديره ترانيم المطر ياهلا ووغلا شرفتي
متصفحي واشكرك على مرورك الكريم وصح بدنك وعساك سالمه اختي ترانيم ويهمني رايك في اي من مشاركاتي سوا نقد اوتوجيه تقبلي تحياتي وصدق ودي ولاهنتي |
رد: يافهد ياقمة المجد وسنامه
صح لسآنك ياسعيــد
ولآهنت ع هالجزله .. |
رد: يافهد ياقمة المجد وسنامه
يالبى قلبك يالشنب
ولعنبو من يلومك في الهببببس ويستااااهل السمي انت غانم وعلومك غاااانمة والوكاااد ان من يخاااوي الصقر انه صقر مثله صح لساااانك مليون وما يسدووون |
رد: يافهد ياقمة المجد وسنامه
صح لسانك يابو محمد
يستاهل الممدوح والمادح كفو والله حتى في المدح مميز لله درك من شاعر |
رد: يافهد ياقمة المجد وسنامه
اقتباس:
والجزاله في حضورك وكلامك الطيب شكرًا تحياتي لك ولاهنتي |
رد: يافهد ياقمة المجد وسنامه
اقتباس:
ايوالله يستاهل سميك المدح وانت تستأهل المدح جعلك تسلم وهو والله انهرعطاني سياره ولايجحد الرجال الا اللي مافيه خير شكرًا لك تحياتي وصادق ودي لك ولاهنت يافهودي |
رد: يافهد ياقمة المجد وسنامه
اقتباس:
ماعليك زود لاعدمتك وانت سباق بالطيب والتميز وعلوم وسلوم الرجال توفرفيك والله يرحم من تعب فيك |
رد: يافهد ياقمة المجد وسنامه
القحطاني والله ونعم فيكم صح السانك مدد بلا عدد هنا شجرة تفرعة بالأبداع .. وهنا الجزاله لعبة دورها لله درك على هذه الشامخه التي تعطرت بالأبداع كل الاحترام والتقدير .. |
رد: يافهد ياقمة المجد وسنامه
الله اكبر عليك يبو محمد
ما شاء الله تبارك الله .. قصيدة في قمة النضج الشعري لله درك ي الغالي .. صح لسآنك مدد ,, آبيات اقل ما يقال عنه قمة في الجمال شهآدتي فيك مجروحه وانا اخوك .. تحيتي واحترامي لـ خشصك الكريم زودو مع فن تصميمه نظامه ...................من تساوى فوق سيته مايمله آنا آششهد ي الشاص |
| الساعة الآن 02:45 AM |
Powered by vBulletin® Version 3.8.12
Copyright ©2000 - 2026, vBulletin Solutions Inc