اشرب الفنجال لو إني لحالي = خير للرجال والا تموت ناره
اشرب الفنجال واراود خيالي = كن ينقش من على كبدي مراره
وأحتري للي يسير ويعنا لي = يشرب الدله بعد زلة بهاره
لا تعبت ولا تعنت بي رحالي = وسط داري ومن يجي كنه بداره
والله ان اللي يسير حيل غالي = ومن غلاه يزيد في صدري وقاره
واحمد الله كيف راسي من حلالي = وصنعة الفنجال ما فيها خساره
عن في بالي وله عنيت بالي = واحد شب الحطب راس الزباره
قال شبيتها من شان خالي = مرحبا واهلين يا حلو الزياره
قلت انا مشتاق من هاك الليالي = يوم خبروك البنى هاك العماره
نار ابو نوره عمار ولا يبالي = اشهد انه شب نارٍفي مناره
جعل يفداه الخمام من العيالي = ما حفظ يمناه ومضيع يساره
وجعل يفداه البخيل وهما لالي = كنز مال وميتٍ بالجوع جاره
وجعل يفدونه مصررة الريالي = لا قبال ولا زكاه ولا نماره

أقف أيها القديرإحتراماً لهذه الشامخه ..
وليس بالغريب .. فهي من نتاج الشامخ .. محمد بداي..

لله درك .. وصح الله لسانك ..


موفق .تقيمي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]