سلامي على اهل المنتدا دون تحديد=سوا من ظهر بالقاب والا باسامي

نبا نجعل بذا اليوم للشعر تجديد=ما دام الهدف سامي ولي راس سامي

ترا الكهربا يبغى لها الات توليد=مثل ما يولد للمشاعر مقامي

خذينا الشهاده بس من دون توكيد=ومن تالي العربان قالو علامي

بدايه عطيناها للاحداث تمهيد=لجل نكشف الموضوع تو الانامي

انا متهم والوضع يحتاج تمديد=وابا اشوف لي من بين الاعضا محامي

كتبت الغزل واهديت للنصح تعميد=وسقت الرثا وارضيت غاية مرامي

وجبت الفخر والمدح والقلب به كيد=بعد ما بدا بعض العرب في خصامي

ومن بعد هجمات الشواعير والصيد=خذيت الهجا نيشان واصبحت رامي

نجوم السما تشهد ولي بالوطن فيد=وراسي يناطح مثقلات الغمامي

اهمل مثل وبل السما وانعش البيد=واهد السبق واجعل بكيفي نظامي

تحملت بالاشراف قبل المناصيد=ونصدت في طلباتها للانامي

ومن عقبها قامت علي المناقيد=وكني غديت اليوم والله حرامي

قطفنا العنب لكن قطفه عناقيد=وغيري على الحبات جاله نسامي

ترا يوم يجمعنا بكم يا عرب عيد=ولا حد يقول اليوم ناصر صدامي

ولكن ضربي يوم قد بان له كيد=تسربلت درعي واحتزمت بحزامي

وشتت كل الضيم من دون تشديد=ثم اصبحت مثل الكون فج الموامي

وذا اليوم يا ذا الناس من دون تعقيد=عليكم تحياتي وخالص سلامي

مشاعر خفوقي طيبه يا الاجاويد=وصدقي فرض تو العموم احترامي

تخيل يكون الوحي من دون تجويد=او انك تكون بلا خوال وعمامي

فحن كلما زادو هل الطاله نزيد=وحرب الفتن يا جعلها للعدامي

ومن بعد ذا الموال لا بد توحيد=نوحد مشاعرنا لدحر الظلامي

لجل نطرح لصيت المواضيع تجسيد=ونمشي براس المنتدا للامامي

كلامي ظهر طوال من دون تفنيد=يعم العموم القابها والاسامي