|
المقادير حبستني وانا حرٍ طليق
بسم الله الرحمن الرحيم
أعزائي الكرام السلام عليكم ورحمة الله وبركاته يسعدني ان اقدم لكم هذاه ألقصيده المتواضعه امل ان تحوز على رضاكم لج صدري لج الاسطول حاديه المضيق .................في جبل طارق صداها وحس بلوفها ليلة الجمعه بإصدري دوافير وحريق .................صارت ضلوعي جريدٍ تشب سعوفها لاتطرون الموادع وحالي ماتطيق ....................طوفو بعض المشاهد علي واطوفها الموادع حط في ضامري جرحٍ عميق .......................كلمتينٍ تضهر الناس من مألوفها وانت ياللي باخسٍ حالتي خبرك عتيق ................مابقاء من سالف الحال كود وصوفها حالتي هي حالتي ماتبي شرحٍ دقيق .........................مبهماتٍ بانت ارقامها وحروفها حال ياللي مابقالك على الدنيا صديق ..........................غير همٍ لاضوا الليل قام يلوفها اعتقد مافيه حيٍ على حالي شفيق ..............................واليال المقبله ماتبدد خوفها المقادير حبستني وانا حرٍ طليق .............والشقاوالحزن يعصف علي عاصوفها راحت العطله وانا من تنومه لـــٍ العقيق .....................عند قومٍ ماتراعي شعور ضيوفها كل يوم والمواحع على صدري تويق ..............................واقفٍ مابين مايتها والاوفها اتوجد وانشد الدار من غيبة رفيق ....................يوم خبري به يسج القدم بعطوفها يرحم اللي لاتضايقت من شيٍ يضيق ...................كنه دكتور لا نفسي يعرف ضروفها والله مانسى فزعته لـــي وانا مثل الغريق ................كل ما جا الحذف صوبي يرد حذوفها فاقدٍ لـــي وقفةٍ مايوقفها شقيق ....................يوم عدواني وربعي تحد سيوفها ياوجودي لاضوا الليل لين اصبح شريق ..................عقب ما شفت اليالي لحقني حوفها وجد من عطي العهد بالضحى والعصر بيق .......................وامن بالقوم والغدر بين صفوفها ياوجودي باول العمر وجدٍ مايليق ......................وجد من دفت عليه السنين دفوفها الشباب أقفى وانا في سباتٍ مايفيق ..........................الخلائق شرها سابقٍ معروفها من نجى من شر وقتٍ غرابيله دفيق ...................ما سلم عرجة خبول البشر ودلوفها ياسحابٍ فوق جرد الفلا مابل ريق .....................كم خدعني لامع البرق بين قنوفها العفو ياشمعة الدار يانور الفريق ........................حاجة مانيب أبيها لزوم اعوفها النسب ماهوب ينباع في سوق الرقيق ...................غيرو صبغة شعرها وحجم ردوفها الطمع في بنت رجال والمنسب عريق ....................ماحد وصف نهدها ولا سرجوفها سترها عقل وكرامه على حق وحقيق ................اشهد انها شف بالي وانا مشعوفها شف بالي مشربٍ مابعد شرع وذيق ......................والعباد أحرار بذواقها وشفوفها ماينزل روس بعض الحرار الا الزريق ...................والعنود ام الطبائع تقود خشوفها كل شيٍ اختلف والصهيل اصبح نهيق .................وكل ناسٍ علمها صار عند ضعوفها اما انا مليت دنيا المضاهر والبريق ............تبتسم لا الصحابها والغدر في جوفها من عشقها قالت انت المدلل والعشيق ..........................واثقٍ فيها وهو لعبةٍ بكفوفها وآخر المشوار يالله طلبتك لاتعيق ..................كل نفسٍ من هواها وصد صدوفها والعفو لاجات ساقي ظمن سيقٍ وسيق ..................في نهارٍ يجمع اشكالها وصنوفها ساعةٍ مال الفتا لامفر ولاطقيق ......................كل نفسٍ تنظر أعمالها وتشوفها وسلامتكم |
رد: المقادير حبستني وانا حرٍ طليق
صح السانك اخي سعيد ولاهنت رائعه بالتوفيق لك وللجميع |
رد: المقادير حبستني وانا حرٍ طليق
أبيات جزله ياسعيد الله يعطيك العافيه
تستحق ألف تقييم وتقييم .. |
رد: المقادير حبستني وانا حرٍ طليق
اممممممممممممممممم
الله الله هذي شيخة القصيد ياسعيد الطمع في بنت رجال والمنسب عريق ....................ماحد وصف نهدها ولا سرجوفها في ذي صدقت ............تبتسم لا الصحابها والغدر في جوفها هذا الشطر احس فيه خلاف يمكن خطأ كتابي اذا كان ( تبتسم لأصحابها والغدر في جوفها ) انا أشوف الأنسب ( تبتسم لأصحابها والغدر داخل جوفها ) لكن القصيده راااااااااااااائعه اعجبتني أشكرك عليها ++ |
رد: المقادير حبستني وانا حرٍ طليق
ياوجودي لاضوا الليل لين اصبح شريق ..................عقب ما شفت اليالي لحقني حوفها وجد من عطي العهد بالضحى والعصر بيق .......................وامن بالقوم والغدر بين صفوفها الله عليييك صح لساانك يا خوي سعييييييد و لااا هنت على الأبيااات الجزلة و الرائعة...... جعلك الجنة ومنهاا و للأعلى..... تقبل تقديري+تقيمي..... |
رد: المقادير حبستني وانا حرٍ طليق
مآشآء الله
صح لسآنك سعيد وربي قصيده قمه فالجمآل ابدعت بكل حرف فيهآ وموغريب عليك هذا التميز الله يحفظك يآرب وأحلآ تقييم خيوو..ض29 |
رد: المقادير حبستني وانا حرٍ طليق
الله الله
على رووووعة قصيدك أخوي سعيييد وضح لسااانك واعتلى شانك أبيات ماينمل من قرائتها والتعمق في جمال صورها الشعرية الجزلة والله لا يهينك |
رد: المقادير حبستني وانا حرٍ طليق
ياوجودي لاضوا الليل لين اصبح شريق
..................عقب ما شفت اليالي لحقني حوفها وجد من عطي العهد بالضحى والعصر بيق .......................وامن بالقوم والغدر بين صفوفها الله عليييك ياسعييد ع هالدره صح لسآنك .. ولآهنت ع هالجزله .. |
رد: المقادير حبستني وانا حرٍ طليق
قصيده فاخره ....
جدا راقت لي وقرأتها أكثر من مررره وأقترب من حفضها لروعتها .. دام مدادك أخي +++++ |
رد: المقادير حبستني وانا حرٍ طليق
اقتباس:
؟؟؟؟ |
| الساعة الآن 06:38 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
