ارتحل مزنوق زنقه وسط حفره زانقينه . مصافحه اولى
 

السلام عليكم ورحمه الله وبركاته

يسعد صباحكم مع مساكم بكل خير

مصافحه اولى


وصف لحال العرب .. اتمنى ان تنال اعجابكم واستحسانكم .. .


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



اه من بعض المشـــــاهــــد ماتجـيـب الا النـكــاده


تـنـثـر الدمـــع بغزاره دمـع حسرات وغـبـيـنـه


ضيّقت صــدرى عســاها هالوســايل للأبــــاده


حـزنـتـنا والمشـــاعر هـي بلـيـاهـم حـــــزيــنـه


طاحت ارقاب وكراسي وابتدى الموت بحصاده


اعـتــبـر ياســــامـع اسمع دنيتك مــاهـي ثـمـيـنه


واحدن من قبل يشـنــق ارتـزق لـفــظ الشــهـاده


ماتوقــــع بالنــهـــايه شــــرذمــه شعــبــه تهينه


انقضب في وســـط حفــــره ياحســافه هالســياده


ليــتـهـم بالحــفــره اللــــي انـبـــشـــوها دافـنـيـنه


واحــــدن شـــوفــو عنـــاده كيف ســوابه عناده


ارتـحــل مزنـــوق زنـقــه وســط حـفـره زانـقـينه


وانـتــهـت رحــلــه مـعـمـر بعــد مادمّــــــر بلاده


مادرى انه نـفــس حـفــره صــاحـبـه ينهي سنـيـنه


ماخــذيـنــا من مـصــايـبــهـم مــواعـظ واسـتـفـاده


والـعــرب دايــم و دايــــم بالـمـصـايــب مـسـتـهينه


العــدو حـقــق مــراده ... ليــه مــا يـحـقــق مـراده


والمـخـطــط كل ابـونا ياعــربـنـا عــــارفـــيــنـه


ياما قـلــنـا مـيــر نـلـنـا صـقـهـت الاذن وبـــلاده


الـتــلاحــم يامــا قـلــنـا حـثّــه مـحــمــد وديــنــه


شــوفــو كـيـف اليــــوم صرنا لا عـلـوّ ولا رياده


حــالـنــا حــال الـيـتــيـم اللي عســى ربه يعينه


شـعــبـن يدور سـقـــوط وشـعــبـن يدور زيــــاده


والمـدينـه خــانـهــا اللي عايـــش بخيـر المـدينه


نـجـتـمـع يـعـنـي تـحـالـف والـتـخــالف فـيـنا عاده


مــاذكـر بـيــوم اتـفـقــنــا والـتــخــاذل مـحـكـمـينه


ياعــــرب اصــل التـــرابط بالشـــريـعـه والقــيـاده


ياعـــرب من دونهــم ما نـقــدر نـقــود الســفــيـنه


لــو تــوكـلــنـا على الله طـــالـبـيـنــه فـي عـبــاده


مـــانــذل وربـنـا الله مــايـخـيـب طــــالـبــيــنــه


شــوفــو كيــف الاولين اللي على الرب اعتماده


مـعـتـلـيـن بـديـنهــم والارض نـصــه حــاكـمـيـنه


لو مـشـيـنا مــامشـــو به في صمــود وفي جلاده


ماشـكـينا ولا بكـيــنا ولا رفـــع كـــافــر يديـنــه


ياالله انك تـنــصـر الاســـلام وتـفـك اضـطــهاده


شـف عـبـادك قـتـلوهــم شـف كـتـابك مـحــرقينه


شــف مســـاجـدنا تدمّــر والهـــوى بعـثـر رماده


ومن فـتـح فمّــه بكـلـمـه ضـدهـم اصـبـح رهـيـنه


ارســل جـنـودك عـلـيـهـم ورّنا فـيـهـم ابـــاده


مالـنـا غـيـرك الــهـــي يـبـري جـروحـن دفـيـنـه


وسلامتكم


بقلم / ماجد الشمري

رد: ارتحل مزنوق زنقه وسط حفره زانقينه . مصافحه اولى
 

اخوي ماجد حياك الله ,,

نقول ونريد والله يفعل مايريد ,,

صح الله لسانك وصح كلك ولاهنت على هـ الشامخه التي تعبر عن شـعور الجميع ,,

ولكن قطفت منها شطر > ياالله انك تـنــصـر الاســـلام وتـفـك اضـطــهاده ,,
اختصرنا مانريد نكمله ,,

ولا اقول الا بيض الله وجهك وصح الله لسانك مره ثانيه ,,

شي يشرفني ويسعدني ان اكون اول من تصفح هالابيات فأئقة الابداع والجزاله ,,
كل الشكر والتقدير لك .

رد: ارتحل مزنوق زنقه وسط حفره زانقينه . مصافحه اولى
 

لا جديد سوى الإبداع
شاعرنا المميز حياك الله مدد لا عدد
سعداء بتواجد شاعر بجزالتك
دمت ودام ابداعك
تقبل تحيتي وتقديري ودمت بود
ترانيم

رد: ارتحل مزنوق زنقه وسط حفره زانقينه . مصافحه اولى
 

لاهنت ياماجد وبيض الله وجهك
ابداع وتميز ووصف صريح
جعلك تسلم مداد بلا عداد
لاهنت وسلمت

رد: ارتحل مزنوق زنقه وسط حفره زانقينه . مصافحه اولى
 

مصافحه اولى فاخره ياماجد
لله درك صح لسانك مليون ولا يكفون
والله يحييك بيننا شاعر مميز ذو حرف صلب
ربي يوفقك ونحن متابعينك ومعجبينك استمر ض29

رد: ارتحل مزنوق زنقه وسط حفره زانقينه . مصافحه اولى
 

واحدن من قبل يشـنــق ارتـزق لـفــظ الشــهـاده


صح السانك ياماجد كلمات ثمينه وفعلاً وصفة حال العرب
واحدن من قبل يشنق ارتزق لفظ الشهاده موتته موتت شرف طال عمرك
وصح السانك وبنانك بنتظار المزيد شكري وفآق احترامي :)

رد: ارتحل مزنوق زنقه وسط حفره زانقينه . مصافحه اولى
 

صح لسآنك ... ماجد

مصآفحه أولي رآقيه ..مميزهـ

باانتظآر جديدكـ ..

رد: ارتحل مزنوق زنقه وسط حفره زانقينه . مصافحه اولى
 

رد: ارتحل مزنوق زنقه وسط حفره زانقينه . مصافحه اولى
 

ماخــذيـنــا من مـصــايـبــهـم مــواعـظ واسـتـفـاده


والـعــرب دايــم و دايــــم بالـمـصـايــب مـسـتـهينه


العــدو حـقــق مــراده ... ليــه مــا يـحـقــق مـراده


والمـخـطــط كل ابـونا ياعــربـنـا عــــارفـــيــنـه


ابيات حكمة ولكن من يفهم ؟!

الا بشار الله يعجل بموته قريب،،

صح بدنك يالشمري مبدع وبداية رائعة،،


واحدن من قبل يشنق ارتزق لفظ الشهاده موتته موتت شرف طال عمرك

اي والله معك حق اخوي مبااارك

رد: ارتحل مزنوق زنقه وسط حفره زانقينه . مصافحه اولى
 

خلف العتيبي

صح بدنك ووجهك ابيض اخووي

اشكرك على روعه تواجدك

لاهنت