|
عواض الشهيب وزبن القاضي ( طاروق غريب وعجيب )
طاروق رائع ومميز وفيه سبك وحبك شعري فريد وغريب جدا جمع بين الشاعرين عواض الشهيب وزبن القاضي
طاروق راهنوا وتحدوا على معناه كثيرا وأيضا وعدوا من يستطيع فك رموز هذا المعنى بهديه قيمه أترككم مع الطاروق عواض الشهيب يا زبن هات العلوم اللي نباها كلها هات الغاليه هاتها وأعطيك من عندي ثمنهـا أنا تزوجت لي حرمه كبر برج الأمارات والمشكله يوم ماتت ما قدرت اشري كفنها زبن القاضي جيتك بعلم يوصلنا ليـا سبـع السمـوات لكن غن البيـوت اللـي يشوقنـا لحنهـا وأنا تراني بنيت بيوت في عمق المحيطات سكانها بالسيوف ترد صفق الموج عنهـا عواض الشهيب وأنا تراني على سطح القمر باني عمارات والشمس ماهي بعيد أشب ضوء النار منها شريت لي ناقه في ديوسها مثل الجنيهات الجن والأنس تشرب لين تروى من لبنها زبن القاضي قبل أمس جاني صرار اللي عليه اسم الصرارات شجرة عتيبه علـى كفـه بهـا يأمـر وينهـى وذبحت لي حايـل لضيوفنـا هـاك السنيـات ثلاثـه الاف زدهـم كثرهـم علـى صحنهـا عواض الشهيب أنا مابين السماء والأرض عاملي مطـارات وأعسف الطائره مثل الفرس وأمسك رسنها أمشي على رجل وحده من تبوك إليا القريات واقص في جرت الذره لـو السافـي دفنهـا زبن القاضي من قو بأسي طحنت طويق وجبال السروات طحنتها باليدين ولا حـدن قبلـي طحنهـا سويت لي موترن كله ذهب حتى الكفـرات في ثانيه وحده من شامهـا يأصـل يمنهـا عواض الشهيب وأنا حفرت القليب بملعقه في خمس ساعـات ماها يسد الحضر والبـدو ويكفـي ضعنهـا وش رايك إن العسل يصنع ويرجع سم حيات وإن كان منته مصدقني ترى عندي رهنهـا زبن القاضي أنا حسبت النجوم اللي على العالم مطلات لو تسمع الناس هذا المعجزه تترك وطنها وانا لقيت أدمي يحلب طيور ويأكل أموات وجنازة ابوه وأمه فوق صدره محتضنهـا 00000 |
رد: عواض الشهيب وزبن القاضي ( طاروق غريب وعجيب )
رااااااااااااااااائعهـــ
سلمت يمينك يابنت .... |
رد: عواض الشهيب وزبن القاضي ( طاروق غريب وعجيب )
تسلمي قلبي . .
يعجبني زبن القآضي |
رد: عواض الشهيب وزبن القاضي ( طاروق غريب وعجيب )
ي هلا ومسهلأ
منورين لاعدمتكم 0 0 |
رد: عواض الشهيب وزبن القاضي ( طاروق غريب وعجيب )
يالله دخيلك من الطياره والناقه والحرمه ,,
صحة قلوبكم شعراء صـوارم ,, صح كلك بنت ولاهنت على النقل الجزل ,, تحاتي وتقديري . |
رد: عواض الشهيب وزبن القاضي ( طاروق غريب وعجيب )
هلابك ي الروقي
منور |
رد: عواض الشهيب وزبن القاضي ( طاروق غريب وعجيب )
يا سلام ياسلام
صحت والله اسنتهم وتسلم يمينك ذكرتيني زبن عزالله اني قصرت عنده أعطيته وعد وانشغلت ان كانه اللي في ميادين الشعر عموماًلاهنتي يبطله |
رد: عواض الشهيب وزبن القاضي ( طاروق غريب وعجيب )
يعطيك العافيه على النقل الاكثر من رائع
|
| الساعة الآن 12:56 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
