حسبي الله من تعمّد في جفاه=قلبي اللي من سبب هجرهْ ينوح
ودّي انسى.. مير قلبي مانساه=عارفٍ قلبي على الذكرى لحوح
ماتصدق! كلّ هذا ماكفاه=حتى وصلهْ بالحلم خلّي شحوح
ولوّ طيفهْ مرةٍ بيّن حلاه=ماهو شوقٍ..؟ جا يمـلّحْها الجروح
آه وا ويلاه خلّي يا قساه=مادرى وسط الحنايا لهْ صروح
غيّروه الناس وابعدْ في خطاه=مهرتي عن سكـّتي صارت جموح
بالمكان اللي يعانـقـنـي هواه=صرت انادي اسمهْ بصوتٍ بحوح
آتلـفـّت مامعي الاّ مناه=ارتجي علّ وعسى زوله يلوح
صرت اسولف للسحايب عن غلاه=يوم رجلي عانقتْ هام السفوح
قلبي بير وكاشفٍ عنّه غطاه=يوم فارقني وانا هجسي يبــوح
من ورا زحمتْ شقاوي محتواه=ماتت آمال الهواوي والطموح
ربي عين المبتلي عَمّا بلاه =كنت احسب السالفه كانت مزوح
في غيابهْ كل صباحاتي مساه= اسهرهْ ماشفت من شمسهْ وضوح
كلمةٍ مسجونةٍ خلف الشفاه=خبـّروه انّي على وصلهْ نصوح
يلعن الشيطان ويجدد ولاه=ويدمج الجثمان مثل اول بروح
وانْ تمادى في عناي وفي جفاه=والله انسى صاحب الوجه السموح
واقطعْ الشريان من قلبٍ طراه=واترك الدمـّان من صدري نضوح
حسبي الله من تـعـمــّد في شقاه=قلبي اللي كل مساحاتهْ جروح

المشاركة الأصلية كتبت بواسطة الهــــــــوى (المشاركة 228005) ودّي انسى.. مير قلبي مانساه..عارفٍ قلبي على الذكرى لحوح صح لسآنك نص أكثر من راىع بانتظار المزيد .لاهنت.

المشاركة الأصلية كتبت بواسطة سعيد محمد القحطاني (المشاركة 228049) ارحب يبو فالح يالله انك تحيه وماجابه ودّي*انـسـى..*مـيـر*قلـبـي*مانـسـاه /عـارفٍ*قلبـي*علـى*الـذكـرى*لـحـوح مـاتــصــدق!*كـــــلّ*هــــــذا*مــاكــفــاه /حتى*وصلـهْ*بالحلـم*خلّـي*شحـوح الله عليك يبو فالح شاعر جزل وحرفك جميل الله يوفقك تحيات اخوك سعيد القحطاني ولاهنت