الملتقى الجماهيري للشاعر محمد بن فطيس المري

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - الجرح ارحم عبدالله الظفيري (http://www.m-f6es.com/vb/showthread.php?t=13118)

الجرح ارحم عبدالله الظفيري

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

. اللي بقى لي مع الأيام .. وفّيته
والضيق لو ينهمر تشربْه ودياني .
. ماهي كبيره علي والحزن غنيته
وْلاهي غريبه إذا وقتي تحداني .
. الخوف -واللي تطوف الخلق في بيته-
لاعشت زهرة شبابك وانت وحداني!! .
. كم جرح خذْته من الأحباب.. ضمّيته
وجروح قلبي زكاة لْحُبّّ خِلاّني .
. مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاواني .
. صدمه؟ بسيطه ،، هَوان الحال؟ مرّيته
مقرود؟ خِلقه ،، وإذا حرمان؟ عدّاني .
. ما فاح همّ ٍ لك الله ما تقهويته
ما مرّ حزن ٍ بغيري ما تبلاّني! .
. ياما وياما من الخذلان .. عديته
إلا بصاحبْ .. بعد عِشره تناساني!! .
. أزريت لأنسى غيابه لين ناديته
والموت لامن تجاهلني وجافاني .
. وينه يجيني .. وكل عْتاب كنّيته
ياليت يدري بعد فرقاه وش جاني!! .
. من كنت طفل ٍ وانا أرجاه في بيته
شيّبت.. واثره على هالحال خلاني! .
. حتى جناح العَتَب لرضاه ذليته
ماطِرْت بعده فرح من ذلّ جنحاني .
. يا قلب صبرك .. ترى كل شيّ سويته
ما كان أفضل من اللي كان بإمكاني .
. لو بيّ قوه على الهجران؟ خليته
لو بيّ ذره من النكران؟ يفداااني .
. الجرح أرحم .. إذا يرجع من أغليته
مجروح؟ فِدوه .. ولكن صعب وحداني! .