الملتقى الجماهيري للشاعر محمد بن فطيس المري

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

من ـأروع ماقرأت للشاعر ـالقدير
عبدالرزاق الهذيل

من القريات في منطقة ـالجوف
أتمنى لكم الإستمتاع بقرائتها

مهمــا يكــون الشعـــور اللي علـي بـادي
................................ مــازلت انا الــوارد اللــي ماطـوى حبـلـه

علـى القـراح الــزلالـي طــــــال تــردادي
................................ اشرب واصدر ظما مدري وش اشرب له

يا من تغاربـــتي غيـــابـي وهـو عـــادي
................................ بُعــد الرجــل عن دواعي ذله اهــيـب لـه

ماامشي قبل لا اعرف الوجهه بلا قـــادي
................................ ولا صـــلــي الا وانـا متـقـــبـل القبــــلـه

منــزالي يا النـــايفه عـن حـدري الـوادي
................................ ورجـل ٍ يجي في مسيل السيـــل يا هبــله

أبعـــدت مـالي غـرض فـي ذل مقعـــــادي
................................ ما دام يلعـب لي الذعــــذاع .. والعـب لـه

ماني لعــرفي مع اهــل العــرف متـــرادي
................................ لاشـــك كبـــدي من اللـي شفـت مندبـــلـه

يا لاقيــــة خيـر .. هـــاك العـلـــم للغــادي
................................ اللي عجــز يفـــرق الشيحـــه مـن الربلـه

أمانتــــك بلغـــــيـه .. لـكـل حـســــــــادي
................................ لا غارت الكدش .. وكحيـلان .. باصطبلـه

أنا أول العشر .. مانـي للعشـر .. حــــادي
................................ مـــالك ومال افتــــراض الجاهـــل الأبلـه

يموت انا حــاســدي مـا ياصـل ابعــــادي
................................ منّي نجــــوم السمـــا لو يفهـم اقـرب لـه

ولابد ما الهـــايج المــايـج .. يجـي هـادي
................................ وكل ٍ يشـوف المـــكان اللي ينـــاسب لـه

إن مت .. مات النبـي .. وآبـاي واجــدادي
................................ وما دام لي يـــوم .. مـاني ميّـت ٍ قبــــلـه