مرحبا في حفل ربعي رفيعين المقام = الرجال الحُرة اللي تُعز سلومها
ليل فيه اصحابنا جات مِن شرقٍ وشام = ليل عيدُ وكُل قوماً تعد علومها

والبقى ثم البقى والبدايه بالسلام = وانت سوق الطيبة والرجال تسومها
يا طويل العُمر ما به بلاد بلا نظام = حسب ايام الشهر ليلها مع يومها

احد ما يبلغ مرامه واحد يبلغ مرام = كُل نفساً ما لها زود عن مقسومها
البلاد الله يُعزه تحت حُكم الامام = وانت تعرف حاكم الناس مِن محكومها

الله يبلغك ما تشتهيهُ ولا تُلام = والعرب ما تقتنع لو تُحب خشومها
تشتبه ما تشتبه في الاشدة والمسام = جعل عينك تهتني في حلاوة نومها

والله إنا في بلاد العدالة ما نضام = وإن غدينا في لزوم النفوس نسومها
راحت الحَرة عليكُم ورحتُم يم يام = ما عُرف مُعطى بني زُعب مِن محرومها

البدو تتكل على الطير مير الطير حام = والليالي مُظلمة والسما بغيومها
زُعب ما ترضى بذله وتنقلها العظام = وانت وش سويت يوم العرب بسهومها

العرب تتعب على الطير ويجيب الحمام = لو يُغيم جوها كُل دار يحومها
ما نقول قصور لكن يلحقها اتهام = يوم انا في ديرتي والديار بقومها

لا تنبش في الجحارة ويطلع كل هام = استتر في الجُبة اللي طوال كمومها