الملتقى الجماهيري للشاعر محمد بن فطيس المري - مع السلامه ،، اقدر اعيش وانساك

- الشعر و الشعراء (http://www.m-f6es.com/vb/forumdisplay.php?f=15)

- - مع السلامه ،، اقدر اعيش وانساك (http://www.m-f6es.com/vb/showthread.php?t=19288)

مع السلامه ،، اقدر اعيش وانساك

مساكم الله بالخير

والله ماتستهويني المقدمات ،، وماحبها ،،

متواضعه ، وأقبلوها بقصورها

،،،،،،،،،،،،،،،،،،،،،،،،،،،،،،،،،،

ياللي تهددني في بعدك وفرقاك
درب الجفا واضح طريقه ، وسالك

مع السلامه ،، آقدر آعيش وآنساك
مانيب ميت ،، لو تشح بوصالك

ترى جمالك ، مايكفر خطـــــاياك
لاتلوي ذراعي ، بحجة جمـــــالك

لاوعي عندك فالمحبه ولا إدراك
تفكيرك اللامنطقي ، من خيالك

حاولت آداري خاطرك واطلب ارضاك
وآشيل همك ،، بس يرتاح بالك

ياللي دروبك فالهوى صارت اشواك
وش غير آطباعك وش اللي جرالك

آغفى على شاطي غرامك ، ومرساك
وآصحى وانا عطشان حبك ، وهالك

أسقيتني مـُر المواجع ،، بيمناك
وآسقيت غيري ، من عذوبة زلالك

أول لقانا ،، بسمتك في محياك
وآخر هوانا ،، صار يكثر جدالك

تدري وش أصعب شي يحصل في دنياك ؟
لاصرت تعشق شخص يعشق بدالك

طعنه بقت لي ، من غرامك وذكراك
وأنت ، الوفا والصدق ، مني بقالك

ماعاد ابي شوفك وقربك ، ولاماك
وش عاد آبي ، والكذب أفضل خصالك

وان زارني ياصاحبي طيف ذكراك
بسدل ستار الحب ، وارثي وصالك

وسلامتكم
،