ياأناني خافقي منك يعاني ! يوم رحت وقلبي الدامي كتوم *صوتية
 

ماعلى قلبي يقوله لك لساني
ومن زعل يزعل ولو عشت محروم
من بغى وصلي تعنا لي وجاني
يجبره طبعه وساسه فالسلوم
وكاني المخطي وعلمه مأخطاني !
نعتذرله والعذر يأتي لزوم !
الرجال رجال والمعدن يباني !
لاحدتنا أيامنا صوب اللزوم
ياوقف سدن يرد اللي حداني
أو تمنن وقفته وارخى العزوم
همتي هي راس مالي في زماني
تلتفت لحلامها في كل يوم
يعترضها عابرٍ يدعى الاناني
يسلب الفرحه ويبدا فالهجوم
يكسر الاضلاع ويهد المباني
ينبش ألذكرى ومافيها يحوم
ياأناني خافقي منك يعاني
يوم رحت وقلبي الدامي كتوم
خطوتك وسم ٍ على عوج المحاني
وجرتك بانت على رمضا الهموم
ضايق ومخنوق مبحوح المعاني !
طاح في حبك وعيى لا يقوم !

[youtube]http://www.youtube.com/watch?v=hMfyUT-GWFQ&feature=youtu.be[/youtube]

تشرفني متابعتكم على التويتر :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

رد: ياأناني خافقي منك يعاني ! يوم رحت وقلبي الدامي كتوم *صوتية
 

الله اكبر .. ما شاء الله لا قوّة الّا بالله

صحّ الله لسانك اخوي ابراهيم .. أبدعت

وووو .. لا هنت

رد: ياأناني خافقي منك يعاني ! يوم رحت وقلبي الدامي كتوم *صوتية
 

^

صح بدنك ومن ذوقك يبعدي
حي هالطلة $!