|
الياس حاكم بارض الاحلام سواح
أنا الزمان اللــــــــي تلاشت معانيه وانا الحزين اللي سكـن كون الافراح وقت الرجى قفّى والاحــــلام تتليه والياس حــاكم بارض الاحلام سواح والقلب خايف وش بالاقـــــدار ياتيه والعمر دمعة والشقى حال وسلاح ياويل شخــــــصٍ غبن الايام طاويه والشــــــــــور حيلة والنبا عنْه نزّاح هو فيه ذاتٍ غـــــــــاديٍ عنْه راعيه وهو فيه شــــوفٍ ينكر البرق لا لاح الشوق غــرسٍ قطر الاوهام ساقيه والهم ودٍ في حشـــــى الروح ذباح عمر بن عبدالمحسن |
رد: الياس حاكم بارض الاحلام سواح
صح لسانك أخي العزيز ولا هان فكرك
شاعر مبدع تقديري الدائم |
رد: الياس حاكم بارض الاحلام سواح
صح لساانك يبوعبدالمحسن قصيده وافيه
|
رد: الياس حاكم بارض الاحلام سواح
لله درّك يالامير على هكذا شعر ..
ما شاء الله تبارك الرحمن .. حرفة شاعر متمكّن من أدواته .. هنا يشرّفني قراءة مثل هلاجزلات أغلى التحيات وجزيل الشكر |
رد: الياس حاكم بارض الاحلام سواح
روائع ومبدع في كل حالاتك الشعريه
لاهنت يالمبدع على هالروعه تقبل متصفحي هذا لاهنت |
| الساعة الآن 03:07 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
