همّال غيم الجروح معذّب جفونها=ما توقف امطاره الا يرجع المقفي
انظر عيون المها والغيم من دونها=من كايد الحزن احسّب نونها مطفي
وش لون يا احبابها وش لون تنسونها=الصدّ ما هو جزاة العاشق الترفي
ذيك الخدود المضيئه ختّ عرجونها=اللي من اول مجرد شوفها يشفي
وعلّم الحزن بدموعه على وجونها=في ودّها ما يبان وكيف له تخفي
يشدني شئ لها في نظرة عيونها=شئٌ وعيّته وابد ما يجهله عرفي
شئٌ كذا من خصوصيات مكنونها= حتى ولو لم تصرح به ولم تنفي
اشياء فيها كثيره راح مضمونها= وما باقي الا القليل وما بقا يكفي
آثار من كبرياء وروعة جنونها=وعزة النفس ويّا غرورها الصلفي
كأنها القلعة اللي انهدت ركونها=من عقب كانت ملاذ وبهوها يدفي
النصف انقاض ما ناسٌ يعدونها=والا لسقوطٍ وشيكٍ آئل النصفي
وتبقى دلالة شموخ ولو يخلونها =اصحابها كلهم والجار والحلفي
ما ني بناشد حياتك يالمها اشلونها=الحزن فصّل لها ثوبٌ بها يضفي
ولا تنشديني ويكفي النفس مخزونها=انتي تشوفين غيم الجرح في طرفي
بكتب عباره واخلِي الناس يقرونها=الحزن دايم على موعده لي يلفي

المشاركة الأصلية كتبت بواسطة رشيد (المشاركة 383096) القافيه صعبه ولكنك اجدتها شكرا اخي وتقييم عالي

المشاركة الأصلية كتبت بواسطة ثورة الزير (المشاركة 383116) آثـــــــار مـــــــن كــبـــريـــاء وروعــــــــة جــنــونــهــا=وعـــــزة الــنــفــس ويّــــــا غـــرورهـــا الـصـلــفــي كــأنــهــا الـقـلــعــة الـــلــــي انـــهــــدت ركــونــهـــا=مــن عـقــب كـانــت مـــلاذ وبـهـوهـا يـدفــي الـنــصــف انــقـــاض مــــــا نــــــاسٌ يـعـدونــهــا=والا لــســـقـــوطٍ وشــــيـــــكٍ آئـــــــــل الــنــصــفـــي وتــبــقـــى دلالـــــــة شـــمــــوخ ولـــــــو يـخـلـونــهــا=اصــحــابــهـــا كـــلـــهـــم والــــجـــــار والــحــلـــفـــي صح السانك مدد بلا عدد تصوير رائع جدا يلامس الإحساس لا هنت

المشاركة الأصلية كتبت بواسطة عزاام (المشاركة 383120) نمر من هنا وقوفا على الأطلال هكذا هو الحال رحيل وشديد .. .. الريح تحياتي..