يا سوسنة خاطر الملتاع=لا تكثري من مآساته

الهم ساكن وسط لاضلاع=والضيق طالت مناجاته

احاول ابروز الابداع=واتوه واجهل عباراته

جوف الامل ما معي مرباع=(والحب مليت صكاته)

يا هاجسي لبني في ساع=سهم الهوى يرحم امواته

اللي غلاها بجوفي ذاع=زادت على قلبي اهاته

تجفى وانا خلفها تباع=والجرح سوا بي سواته

لاهب من صوبها ذعذاع=نسيت وقتي وطعناته

من كل دقه ضميري فاع=ويش السبب في تلفاته

يا هاجسي لا تهز القاع=قلبي تفطر ولا جاته

ما غير اريد اجذب الاسماع=والكل يبدي قناعاته

للنقد مرسى وانا مطواع=كلا يبث انطباعاته

لو تجعلو للحوار اسناع=كان الامل بث شمعاته

دكتور طبب لي الاوجاع=الراس كثرت صداعاته

الكيل وفه وصاع بصاع=والحق وثق شعاراته

ومن كان للطيبه زراع=لا تنهره عن مساراته

هذي تحيه وعقلي ضاع=ما بين همي ومرآته