شاعرٍ قام يبحث عن مصيره=ما لقا له معى العربان داعي

لا لفا للجماهير الغفيره=حبها يتجه له باندفاعي

وان لفى في مواجيب العشيره=يرتقي ويتعلا بارتفاعي

لكن الحظ خيم في هجيره=بث في داخله سم الافاعي

كل وادي تبين زمهريره=لين ضاع البخت والعمر ضاعي

يا ظروف المعاناه المريره=لا تخلي ولا حلمٍ بقاعي

كل جرحٍ يجي ينفث سعيره=في ضميرٍ غدا للضيم راعي

لو عيون الهنا فيني ضريره=يصبح الفكر عندي غير واعي

روضة الشعر في شخصي نضيره=والهواجيس تورق باليراعي

كل بيتٍ يجي ينفح عبيره=من هجوسٍ تزايد به صداعي

يا خلايا الدماغ المستديره=ارحميني وكفي عن خداعي

كل عرقٍ تنشد عن نذيره=يوم شفت الفرج ينوي وداعي

حالتي حالةٍ صعبه خطيره=دايما يا عرب تلوي ذراعي

صار زادي من المقصف فطيره=والفقر فوقنا فل الشراعي

لقمة الهم حطت بي مسيره=والشراب اصبح انتاج المراعي

كل واحد يفكر في مصيره=بس حالي بكى والهم شاعي

لا لفا للجماهير الغفيره حبها يتجه له باندفاعي

المشاركة الأصلية كتبت بواسطة رمق (المشاركة 98997) صح لسانك ..صح لسااانك رآق لي ماكتبــت :)