,, وصف الطير ,,
 

اضع بين ايديكم هذه المتواضعه اتمنى ان تلامس الذائقة الشعريه ,,

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حرّكت مدفوق القلم فوق الاوراق=وعندي على تشكيل الاحرف جلاده
احب وصف الطير واتوق واشتاق=واخذ من العلم المشربك وكاده
اشهد لطير(ن) ميزته لمس الاذواق=مني ومنكم يستحق الشهاده
اللي كشافه يجذبك واقطم الساق=والكحف من فوق العيون وسواده
كن العداوه بين ساقيه وفراق=لولا الكفوف الوافيه وامتداده
كبير ضبة بوز واقطم واذا تاق=يلفت نظرك بعاتقه والزياده
وان قابلك ماهو مسلفع ولا دقاق=سبع وعشر عرضه والاخر قصاده
ملموم با الجنحان به في واشراق=ومن الرها فوق الحماس العناده
عذروبه الاقشر سبوق(ن) ولحّاق=وزود(ن) على الثنتين طلع وركاده
بعيد طلع وتنتهي كل الاخلاق=لا شاف برقا الريش خلف الكتاده
مرفوع هام وحي وطبوع سراق=ولا يرتخي با الجو حزّة هداده
رهاه يعطيه التفوق والاغراق=ولاله بتفريط المهاريب عاده
زيزوم جو ويختفي وقت الاطلاق=وشق الهوا المنطوح غاية مراده
ولا يصيد الاّ بتعليق الاعناق=مقطوع رحمه والطغى في هجاده
هذا هو اللي ناقله دوم مشتاق=ويخشى عليه من العيون ونفاده
وهذا هو اللي لا شلع كل برّاق=يدفعك لخياله خوي السعاده[/poem]

رد: ,, وصف الطير ,,
 

يا سلااام يا سلااام في ذمتــي انك مبدع
والله لا يهينك ويعطيك العافيه
وصــح لسانك

رد: ,, وصف الطير ,,
 

مرزوق الرمالي
الله الله عليك وصح الله السانك مبدع قصيده بقمه الجمال
ودي وتقديري

رد: ,, وصف الطير ,,
 

مرزوق الرمالي

صح لسانك والله لا يهينك على الوصف الرائع

والله يهنيك بالطير ويستر عليه من العيون

تحياتي وخالص تقديري

رد: ,, وصف الطير ,,
 

شاعر جزل ووصف دقاق

صح لسانك يامرزوق

تحيه معطره

رد: ,, وصف الطير ,,
 

رد: ,, وصف الطير ,,
 

صح السانك يالرمالي ابيات لا يعلا عليهاا

ننتظر منك المزيد يامرزوق

تحياي وشكر وبنتظار المزيد :) هع

رد: ,, وصف الطير ,,
 

صح لسانننك .. يعطيك الف عافيه على القصيده ،

رد: ,, وصف الطير ,,
 

صح لسانك يالرمالي