مزاجي:

البارحه ماني مع الناس موجـود=الناس من حولي وفكـري لحالـه
البارحه ليل وهواجيـس ورعـود=وبرقٍ غطا شبه الجزيـره خيالـه



البارحه ذكرى تواريـخ وجـدود=وأمجـاد ماآلـت علينـا بسهالـه
إلا بسيف وضرب شلفا وبـارود=وروس ٍ تطير إليا كبرت كل قاله



وخيل ٍ نواصيها بها الخير معقود=وشيخ ٍ تخر الروس لاجا مجالـه
ذاك الدويش اللي له الحبل ممدود=فيصل زعيم المجد عمـه وخالـه



عقّب لنا تاريخ بإسنـاد وشهـود=لوما حكى الصمان تشهـد جبالـه
تاريخنا ماله مساحـات وحـدود=يقري بجنوب الكون وإلا شمالـه



حنا مطيـر بفعلنـا دايـم نـزود=نشرب بكاس الطيب لين الثمالـه
حنا الكرم فينا مع الطفل مولـود=حنا الغني حنا العطـا والجزالـه



واللي يعادينا من النـاس مقـرود=اليـا ركبناهـن نيـتّـم عيـالـه
ياما وطينا روس شيخان وكبـود=وياما أفقرنا من يمـاري بحلالـه



وياما حمينا من زبنـا ومضهـود=عقب الحزن أصبح مع الناس داله
واليوم كلن شيخ في حكم آل سعود=كلن غدا طيبـه علـى قـد مالـه



ياجود قولي للـي قلوبهـم سـود=مطيـر ماترهـم عليهـا النذالـه
فديت قلبك إفخري اليـوم ياجـود=مادام فينـا مـن ينكـس عقالـه

يقول الله { فذكر فان الذكرى تنفع المؤمنين } فضلاً من دون امر لنتوقف عند هذي الصورة ونلاحظ العداد ولنشكر نعمة الله علينا