يـآ حبيبه .. لا تعيـديـن النّـظـر = كمّـلي مشـوآر جرحتس للاخـير
والعذر قطّيـه في غب البحر = ما يسد الجوع من عذره فقير
الغلا لا مات ما يحييـه كر = والعصا ما عوّضَت شوف الضرير
قِـدْ دفنت الحب واطميت القبر = ولا بقى لتس لا نياق ولا بعير
كم نهيتس عن طواريق الغدر = وكلمة العاقل يطنّـشْها صغير
ولا حشى ما وسّـع فتوق الصدر = كود شوفة من على دمعي يشير
ما تواريتي ورى قشْع وشجَر = قبل جرحتس تلحِقينه جرح غير
ولا عرفت اللي رماني في حجر = ولا تمكّن بالحشا شـيّـن خطير
يا حبيبـه .. صار لي مدّة شهر = بين حظّـن ماش والوقت المرير
وان ذكرتس في مكانن او خَبَـر = وقْفَـتْ الساعه وعيّـت لا تسير
لا تلوميني وانا مثلتس بشـر = في عيوني من عنا الوقت الكثير
وعش قلبي لا سكنتي به دهر = كل طيرن لا قوى ريشه يطير
يـآ حبيبه .. لا تعيـدين النّـظـر = كمّـلي مشـوآر جرحتس للاخـير
ولاانتهيتـي .. روّحي من غير شر = والرجا باللي على العالم خبير