الملتقى الجماهيري للشاعر محمد بن فطيس المري - عرض مشاركة واحدة

08-16-2011, 01:28 AM

أحلام نصف الليل - جديد البدر

نور الدرج شع..
الساعه مدري اربع
ولا اربع الا ثلث
نقرٍ على الطبطاب
هذي خطاويها يوم ابتدت تطلع
ريحه عطر ينساب.. ومفتاحها في الباب
صوته ولا اروع
موسيقى نصف الليل..!

خلف الجدار يرن الهاتف وتفزع
نسمه ويصحى ورد
وامد لي اصبع
المس زرار النور
يغمر فراشي بـــــــــرد
وتدخلني رعشه شوق
والهاتف المذعور يرن ويرن ويرن
وشفيها ماتسمع؟
اشواق نصف الليل..؟!

فندق بدون نجوم
وحنا بعد اغراب
عيا الــــــزمن يجمع مابيننا لحظه
لحظة نهار او ليل
ماصادفت مره القاها في الصاله
على الدرج مقسوم ان القمر جاري
ويظهر توالي الليل..!

صحيت بدري اليوم
ولي في السفر طاري
على الجريده خبز
وحروف من مطلع
قصيدةٍ لـــــ الليل
رميت في الشنطه.. همومي وافكاري

ونزلت للبواب
وسألت عن جاري..؟!
جاري اللي مايرجع الا توالي الليل
قال بفتور ادفع :
اجرة ثلاث أيام
وريال للاحلام../
أحلام نصف الليل..!