[ناصر الشريف]

[poem=font="simplified arabic,6,darkred,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
الشعر وهبه والمعاني لها شان=والله وهبني والله اللي عطاني

كم لي وانا اغني ولي بال زعلان=يا اهل الهوى بالله خلو مكاني

اسوق كلماتي على كل الاوزان=واللي يترجمها عليكم لساني

ماني بكاذب لكن البال طربان=يا زين ريح الهيل والزعفراني

هاتو لنا دله بها خمسة الوان=زر وحوار وهيل وبنٍ يماني

اتقنن افكار المغني علاشان=يلفظ معاني الود والامتناني

مسكين يا قلبٍ نشف عظمه ولان=من بعد فرقى سيد كل الغواني

اللي زها من فوقها كل فستان=واللي رمت قلبي بليا سناني

لها مباسم كنها ورد فتان=وعيونها تشبه سهيل اليماني

والخد مثل الشمس نوره لما بان=يشرق عليه النور والليل داني

خلوني اسكت ثم ازيد التونوان=ما راح يكفيكم وما جا كفاني

بس ابلغو من هو على القلب سلطان=يرفق بحالي يوم بعده كواني

احشش بحبه ثم افيق سكران=واللي وطا مجنون ليلى وطاني

ينبض لها قلبي معى كل شريان=والدم يتجمهر لها في كياني

درب الهوى عله وقاسي وغلطان=من يعشق ومن بالمحبه يعاني
[/poem]