رد: سجل حضورك بـ بيت شعر أو حكمـه
يا رفيق الجرح الأول .. جرحك التالي بيا
مدمي ٍ باقي عروق ٍ باديات الإحتضار
ما ذبحنا غير قولة : كبريانا .. كبريا
من عرفنا كبريانا كل شي ٍ فانحدار
لا تحَسْبَ الشمع نوره يكفي العالم ضيا
كل ليل ٍ بالخطايا تكشفه شمس النهار
الحقيقة في وضوحي ... لا غـرور و لا ريا
البلا إن الخطا شيَّد على عينك جدار
كان صِغر السن ظنـّك في عذاريبي حيا
كيف ظنـّيتك تخلي للعقل أدنى اعتبار
يا بدايــــات الهموم و يا بداياتي و يا...
.. آخر أحزاني ويا أكبر أحاسيسي الصغار
يا جميع الجرح الأول .... يا زمان الكبريا
يا وداع الحب كله .. يا وفاتي باختصار
|
