الملتقى الجماهيري للشاعر محمد بن فطيس المري - عرض مشاركة واحدة

الاوسمة · 10-07-2011, 06:16 AM

كل هذا جزاي اني قعدت احتريك
بين حر الجنوب وبين برد الشمال

أشتكيلك من ألأيام ولى أشتكيك
من قريبِ حرام ومن بعيدِ حلال

ماهقيتك تخيب ظن مغليك فيك
لين شفت الحقايق شوف ماهو خيال

كنت اسامح لاني بالثقه مهتنيك
ومستحيل اني اسمع فيك قيلِ وقال

جز باقي حياتك في رضاء والديك
بعد مارخصة مرسول الغلا وستقال

حسبك الله على نفسك وحسبه عليك
مامعك عذر يعطي للشفاعه مجال

أ نتهت سيرتك والحلم فاخت يديك
غابت الشمس دونك وأستبد الظلال

صور احلام عمرك بين هاذي وذيك
وستمر بطريقك بس مالك ومال

سيرت الحب لاني مستحيل اهتويك
لوتطول السنين ولو تطول الليال

بس حسن النوايا ردتك تحتديك
لين صرت بغرورك للنهايه مثال

كثر ماشتقت اشوفك كثر معاد ابيك
عودة قيمت المليون مثل الريال

لاتأمل تراني ماقعدت احتريك
عفت حر الجنوب وعفت برد الشمال

كلمات الشاعر عبدالله بن راجس

***

والله .. أني اشقيت حالي يوم قريتهــا