قال من عزمه معى العالم يتيم=مابه بذا الوقت شيٍ يستحال

دام تفكير المره يا خي سليم=ليه تجحدها معى سود الليال

الزمن يمشي ومشيه مستقيم=بس خلق الله ما سارو عدال

شرعو تشريع مضمونه حطيم=مكنو النسوان واعطوهم مجال

نطلب الله يستر الليل البهيم=جل سبحانه عليه الاتكال

الرساله جات بالنهج القويم=والعرب ما وقفو عند الحلال

النسا يسترجلن والجو غيم=ما تفرق بين بنيت وعيال

وضعنا مزري وحاضرنا جسيم=ويش لا روح من اليد العقال

لو تخيلنا بذا الوقت الاليم=والخبر يبقى على وهم وخيال

تخطب الحرمه وتسقيك الجحيم=واتمشا بك على حق وظلال

ثم تسوق الموتر بليا نديم=وتنزع الغطوه ولا تخفي الجمال

وامسكوها زمرت ابليس الرجيم=ويش ينفع بعدها صمت الخوال

جونا صافي وصار الجو غيم=وين ما نمشي نشرف للزوال

يا الله اني طالبك عفوٍ رحيم=تستر اعراض البشر في كل حال

والرجال اللي غدو مثل الحريم=هدهم يا رب ياعالي الجلال