مزاجي:

كثر المواصل بالهوى ماهو بزين

ودك بخلّـك بيـن مـده ومــده

لان البني ادم ماترك طبعه الشيـن

لا حَب له شي وشبـع منـه هـدّه

لكن لا منه جاك من حين لي حين

قـدرت جياتـه وقـدرت صـده

وان قلت ابيك وقال ماهوب ذلحين

لاتضايقه يمكن ضروفـه تحـده

اصبر عليه ايام وشهور وسنيـن

ان كانه يودك ... وكانـك تـوده

خلك لمنه اعطاك ماتطلبـه ديـن

ماجاك منه اخذه .. ومـارد رده

ولاتسوي مثل ناس(ن) مساكيـن

اصلك وفصلك بالهوى .. لاتعـده

العشق مايعـرف قبيلـه ولاديـن

نكـس حكومـات وفـرق اشـده

جُـوه عقـال وراحـو مجانيـن

وكم واحدن خاضه ولاهوب قـده

هذا كلامي وانت بتشوف بعديـن

والله ان تميز بين مزحه .. وجدّه

يقول الله { فذكر فان الذكرى تنفع المؤمنين } فضلاً من دون امر لنتوقف عند هذي الصورة ونلاحظ العداد ولنشكر نعمة الله علينا