[محمدالحربي]

السلام عليكم ورحمة الله وبركاته ..

مساكم / صبحكم الله بالرضاء والعافية ...

واحب اقدم لكم المصافحة الاولى ،

والتي آمل ان تحوز على رضاكم وتنال استحسانكم ...

[poem=font="simplified arabic,5,green,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
يابومبيسم يلمع تقول ياقوت = ويابوثنايا تقول برق برديه
غلاك في قلبي له سنين منحوت = ومزروع في جسمي خليه خليه
وعندي تراك اغلى من الزاد والقوت = واطيب من انواع الزهورالشذيه
واحلى من السكر إذا خالطه توت = واجمل من الفرحه نهار الضحيه
وترى الخفوق يفز لأوحيت لك صوت = وترتاح نفسي كل ما اطروك ليه
واي واحدٍ ماتحبه يصير ممقوت = واي واحدٍ تغليه يغلى عليه
ومن كثر ماحبك انا ودي تموت = ايوه تموت ، ولكن تموت فيه
ومبخوت انا بحبك اي والله مبخوت = حتى ولوحبك بيقضي عليه
[/poem]


وسلامتكم .