ياغايبه : لو تعرفين المواصيل ,
ما كان دقت ليلة السبت الاجراس
تعالي اعلّمك ,
( ادّق التفاصيل ) !
وأعلّمك ووش سالفة كل نسناس
توي دريت :
إن السهر لذة الليل . ,
وإن العتاب اصدق معايير الاحساس ,
شرهة ( دموع العين ) :
على المناديل . ,
( وأنا ) : مشاريهي بلا حد وقياس ,
ياغايبه : ويني ووين التعاليل ؟
( وقّد المواجع ) بين الاضلاع ميّاس
صبرت ,
لين انه طفح مني الكيل ,
وأعتقت تفكيري , وراء كل هوجاس ,
وغنيت :
من بعض الهموم
المواويل ,
آثر الهوى ماهوب دايم على ساس
بين ( الحقيقه )
( والليال المقابيل ) !!
بغى يموت الشوق من طعنة الياس
ياغايبه :
ما كل غيبه ( تساهيل ) !
كم غيبة ٍ .. تكّبت عن الروح الأنفاس
ما آظن يرويني :
من إحساسك : النيل ,
ياللي ما آظن القى من اجناسك اجناس
غبتي أسبوع :
ولا بقى الا المراسيل . ,
ومن غيبتك , غابوا عن عيوني الناس !
ومن غيبتك , غابوا عن عيوني الناس !
ومن غيبتك , غابوا عن عيوني الناس !
ومن غيبتك , غابوا عن عيوني الناس !
