هاذي ثلاث إشهور وأنا أتحراك
وأقول يمكن والي البيت جابك
ياما لحبك يا أريش العين ناداك
ومن زود حبي فيك كلٍ درابك
غنيت فيك وقلت ياوين أبالقاك
شعري كتبته لجل حضرة جنابك
أشتاقلك بالحيل وأموت وأهواك
وأشتاق لو جرحي شكا من عذابك
قطفتلك ورده على شان ذكراك
وغرستها ياشوق في جنب بابك
ما تدري إنه كل ليله تباطاك
والليل كله ساهره من غيابك
ليه الفراق اللي بدى منك وشجاك
يا جعل ربي يحفظك في شبابك
خليتني وأقفيت وأنا بلياك
مونس عذاب الحب والحب شابك
شوف الهوى وشلون من عقب فرقاك
سوى سوايا والخطا من صوابك
شعر / فهد ثامر البقمي
