ياوجد حالي كل ما الوجد انوجد=هذي معاناتك وانا عانيتها
لا تنشد اللي لا استراح ولا استعد=حتى حياته ضايعٍ توقيتها
بالله يا موسى وش اهديلك بعد=حتى حروف الشعر فيك القيتها
الملك لله سعد من لله سجد=جتني حروف ابياتك وجاريتها
من جد فالدنيا يقال انه وجد=يكفيك يا موسى فقط حاكيتها
واللي زرع يا صاحبي والله حصد=والله يجازي حيها مع ميتها
وان كان تبغاها تباشر بالسعد=نجلب هوان القوم لا خصيتها
نفزع معك ونثور كبار العمد=بالطيب والا الغصب لا من شيتها
وان كان قصدك بالشعر تصنع عمد=صعب القوافي يا حلا تشويتها
والعبد من لله بالطاعه عبد=يوم الجمايل كلها ضويتها
