الصباح اللي نشوفك فيه نور=من شروق الشمس لا حد المسا
وارض ما تمشين فوقه دوم بور=لو تدوس ترابها كل النسا
ياملاك ويارقيقه يا شعور=رقتك لي زاد واحساسك كسا
العواطف كلها لاجلك تمور=مور موجن ماحدن فوقه رسى
انتي اللي غير عن كل الحضور=لو تمن قلوب قلبك ما قسى
ذي حياة الناس من ماض العصور=كيف تحيا الناس من غير ونسا
العيون اللي تبي تحسدك عور=ومن عذلني سلوتي قلت يخسى
وان حداني ظرف في بعض الامور=عشت باق العمر كله في اسى

المصدر: الملتقى الجماهيري للشاعر محمد بن فطيس المري