الملتقى الجماهيري للشاعر محمد بن فطيس المري - عرض مشاركة واحدة

#1 02-21-2012, 06:38 PM

راح عمري وانا اطرد لـــي سرابٍ مقفي

بسم الله الرحمن الرحيم

أعزائي الكرام السلام
عليكم ورحمة الله وابركاته
اقدم لكم هذاه الأبيات المتواضعه امل ان ترتقي
الى مستوي ذايقتكم

ياعذابي سرى ليلي وانا احرق وأطفئ
............لين بان الفجر والليل قفا ظلامه

ياعذاب الحزين اللي جداه التخفي
.....والزمان اسقط سهومه وجرد حزامه

ولــ ياقلب وش لك بالرفيق المقفي
.....تدري انها على الرجال عيب وملامه

وين ذاك الرفيق اللي يوقف باصفي
.......لاتراكم عجاج الوقت واقبل عسامه

المقادير ساقتني على غير شفي
..سوق ابن قرمله نور السلف والجهامه

لا نصايح تفيد ولا تجارب تكفي
.........يانواجد هبيل القلب عضي بهامه

مثل شباب نارٍ قربها مايدفي
..في صقيع الشتاء والبرد كسر عضامه

يوم راح العمر صفقت كفٍ بكفي
.......والوفا صار بعد الشارقه من تهامه

وانت يبو الوعود الزايفه ماتووفي
.....ليت من خيرك المزعوم يحصل سلامه

قام حضك معاك وطاح حفك بحفي
.....وانت لا انت بزعيم ولا تعرف الزعامه

جعل برد الهبوب البارده ماتنفي
.........راس عودٍ رفع راسك على كل هامه

لو تجي بالدواير فوق راسي تلفي
......مستحيل اتبع الخاين وابيع الكرامه

ادري ان عز نفسي وارتفاعي واعفي
.....ماصعد بي منصات الفخر والفخامه

احسب ان البحور العايمه ماتجفي
..........لين شفت المراكب بالمواني حطامه

واثر طيبي زمانٍ راح سود ملفي
...........يانواجد هبيل القلب عضي بهامه

راح عمري وانا اطرد لـــي سرابٍ مقفي
..........لاسقاني غدير ولا طلع لـــي غمامه

وسلاااااااامتكم

المصدر: الملتقى الجماهيري للشاعر محمد بن فطيس المري